ەكى ادام اقساي قالاسى جاعىنا قاراي تراكتورمەن جولعا شىققان
باتىس قازاقستان وبلىسىندا سۋ تاسقىنى كەزىندە ەر ادام كوز جۇمدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بقو تج دەپارتامەنتىنەن تۇسكەن مالىمەتكە قاراعاندا، شىڭعىرلاۋ اۋدانى اقتاۋ اۋىلىنان 11 ناۋرىز كۇنى ساعات 19.00-دە 1984 جانە 1977 جىلعى ەكى ەر ادام اقساي قالاسىنا قاراي تراكتورمەن شىققان.
14 ناۋرىز كۇنى ساعات 17.17-دە ولاردىڭ جوعالىپ كەتكەنى جونىندە حابار تۇسكەن. سول كەزدە ءبورلى اۋدانىندا سۋ تاسقىنى ورىن العانى ءمالىم. ساعات 23.25-تە اقساي قالاسىنان قپو ب.ۆ. كومپانياسىنىڭ جول تالعامايتىن كولىگى ىزدەۋگە شىققان. الايدا جول بولماعاندىقتان، ساعات 03.00-دە ىزدەۋ توقتاتىلعان.
بقو پوليسيا دەپارتامەنتىنىڭ باسپا ءسوز قىزمەتكەرى داريعا ءماجيتوۆانىڭ ايتۋىنشا، اتالعان ەر ادامدار اقتاۋ اۋىلىنا جاردەم بەرۋگە بارىپ، كەرى قايتقان كەزدە، تراكتور بالشىققا باتىپ قالعان. بىرەۋى كومەك ىزدەپ كەتكەن دە، ەكىنشىسى، 1984 جىلعى ەر ادام، اياعى اۋىرعاندىقتان، كۇتىپ قالعان.
«15 ناۋرىز كۇنى ءبورلى اۋدانى اقبۇلاق اۋىلىنان 9 شاقىرىم جەردە اشىق دالادان 1984 جىلعى ەر ادامنىڭ مۇردەسى تابىلدى. ونىڭ دەنەسىندە زورلىق-زومبىلىق بەلگىلەرى بولعان جوق. اتالعان دەرەك ادام ءولىمى رەتىندە تىركەلدى. ساراپتاما جۇرگىزىلۋدە. باستاپقى سەبەبى – سۋعا كەتكەن»، - دەدى د.ءماجيتوۆا.
بقو دەنساۋلىق ساقتاۋ باسقارماسىنىڭ باسپا ءسوز حاتشىسى ايناگۇل ساقپوسىنوۆانىڭ ناقتىلاۋىنشا، ەكىنشى ەر ادام ءبورلى اۋداندىق اۋرۋحاناسىنىڭ تەراپيەۆتىك بولىمشەسىندە جاتىر. وڭ جاق وكپەسى قابىنعان. جاعدايى ورتاشا اۋىر.