قولايسىز اۋا رايىنا بايلانىستى بارلىق كولىك تۇرلەرى ءۇشىن قوزعالىسقا شەكتەۋ قويىلدى.
باتىس قازاقستان وبلىسىندا كۇن رايىنىڭ ناشارلاۋىنا بايلانىستى جول جابىلدى، دەپ حابارلايدى اlmaty-akshamy.kz
«قازاۆتوجول» مالىمەتىنە قاراعاندا، 19 اقپان كۇنى ساعات 11:20-دان باستاپ رەسپۋبليكالىق ماڭىزى بار چاپايەۆ-جالپاقتال-كازتالوۆ-رف شەكاراسى (0-213 كم، چاپايەۆتان كازتالوۆقا دەيىن) جولىندا بارلىق كولىك تۇرلەرى ءۇشىن قوزعالىسقا شەكتەۋ قويىلدى.
سونداي-اق، ساعات 14:30-دان باستاپ رەسپۋبليكالىق ماڭىزى بار اتىراۋ-ورال (372-189 كم، چاپايەۆتان اتىراۋ وبلىسىنىڭ شەكاراسىنا دەيىن) جولى قوعامدىق جانە جۇك كولىكتەرى ءۇشىن جابىلدى.
جابىلۋ سەبەبى – بوران، جولدىڭ كورىنۋىنىڭ ناشارلاۋى.
وسىعان بايلانىستى بقو تجد ەسكەرتۋ جاريالانىپ، توتەنشە جاعدايلاردىڭ الدىن الۋ ءۇشىن ءتيىستى شارالاردىڭ الىنىپ جاتقانىن جەتكىزدى.