باتىستا سۋ تاسقىنى قايتتى ما؟
باتىس قازاقستان وبلىسىندا جەرگىلىكتى ماڭىزى بار 1 اۆتوجول ارقىلى سۋدىڭ ءوتۋى جانە 19 جول توسەمىن سۋ شايىپ كەتكەن، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.
شىڭعىرلاۋ اۋدانىنىڭ اقتاۋ اۋىلىندا كولىك قاتىناسى جوق 1 ەلدىمەكەن بار. بۇگىنگى كۇنى ساياجايلارداعى 14 839 ءۇيدى سۋ باستى. جايىق وزەنىندە سۋ دەڭگەيىنىڭ كوتەرىلۋى ساقتالۋدا. سۋ جولىنا قاپشىقتاردى توسەۋ، سۋدان قورعاۋ بوگەتتەرىن سالۋ جۇمىستارى تۇنگى اۋىسىمدا دا جۇرگىزىلۋدە. وبلىس بويىنشا بارلىعى 1 279 202 دانا قاپشىق جانە 24 257 مىڭ توننا ينەرتتى ماتەريال توسەلدى.
13 939 ادام ەۆاكۋاسيالاندى، ونىڭ ىشىندە 5 769 بالا. ەۆاكۋاسيالىق پۋنكتتەردە 2 441 ادام ورنالاسقان، 3 729 ادام ۇيلەرىنە كەتتى. 4 940 ءۇي جانۋارى ءقاۋىپسىز جەرلەرگە ايدالدى.
اۆاريالىق-قۇتقارۋ جۇمىستارىنا 11 261 ادام، 1 988 بىرلىك تەحنيكا، 229 بىرلىك سۋ سورۋ قۇرالى، 197 دانا ءجۇزۋ قۇرالى جانە 3 ۆەرتولەت جۇمىلدىرىلعان.