جىلۋ جەلىلەرىن جوندەۋ كەزىندە باتىس جەلتوقسان كوشەسىندە جول ءجۇرۋ ءىشىنارا شەكتەلەدى
24 ساۋىردەن 31 مامىرعا دەيىن م.گاندي كوشەسىنەن تيميريازيەۆ كوشەسىنە دەيىن باتىس جەلتوقسان كوشەسىمەن كولىك قوزعالىسى ءىشىنارا شەكتەلەدى. سەبەبى، ماگيسترالدىق قۇبىر اۋىستىرىلىپ، جول توسەمى ورتاشا جوندەۋدەن وتەدى، دەپ حابارلايدى اlmaty-akshamy.kz. 32 جىلدان استام پايدالانىلىپ كەلە جاتقان قۇبىر زاقىمدانۋىنا بايلانىستى جاڭارتۋدى قاجەت ەتەدى. سوڭعى بەس جىلدا مۇندا 17 زاقىم تىركەلدى.
كۇن سايىن ساعات 07:00-دەن 22:00-گە دەيىن باتىس جەلتوقسان كوشەسىندەگى قوزعالىس سولتۇستىككە قاراي ءبىرجاقتى بولادى. كۇن سايىن 22:00-دەن 07:00-گە دەيىن جانە دەمالىس كۇندەرى قوزعالىس ەكى جاققا دا جابىلادى.
گاندي كوشەسىنەن وڭتۇستىك باعىتتا ءال-فارابي داڭعىلىنا شىعاتىن جول قوزىبايەۆ كوشەسى بويىنشا ۇيىمداستىرىلادى.