قازاقستان تاەكۆوندوشىسى باتىرحان تولەۋعالي پاريج وليمپياداسىندا شيرەك فينالعا وتە المادى.
80 كەلىگە دەيىنگى سالماقتا ونەر كورسەتكەن باتىرحان 1/8 اينالىمدا ەكى دۇركىن الەم چەمپيونى، يتاليالىق سيمونە الەسسيومەن كەزدەستى. جەكپە-جەك تارتىستى ءوتىپ، تاجىريبەلى يتاليالىق سپورتشى 2:0 ەسەبىمەن جەڭىسكە جەتتى.
ايتا كەتەيىك، 18 جاستاعى باتىرحان تولەۋعالي قازاقستان اتىنان وليمپياداعا قاتىسىپ جاتقان ەڭ جاس اتلەت بولىپ تابىلادى جانە بۇل ونىڭ العاشقى وليمپياداسى.