باستىڭ ءجيى اۋىرۋى تاماقتى ۋاقىتىلى ىشپەۋدەن بولۋى مۇمكىن

جەگەن تاماق پەن باس اۋرۋىنىڭ اراسىندا بايلانىس بار. بۇل تۋرالى Eat This، Not That! باسىلىمىنا بەرگەن سۇحباتىندا ديەتولوگ ەمي گۋدسون ايتتى. 

ساراپشى باستىڭ ءجيى اۋىرۋى قانداعى قانت مولشەرىنىڭ تومەندەۋىنەن بولۋى مۇمكىن ەكەندىگىنە نازار اۋدارتتى. ال مۇنداي جاعداي كوبىنە تاماقتىڭ ۋاقىتىلى ىشىلمەۋى سالدارىنان بولادى، دەپ حابارلايدى Almaty-akshamy.kz رەن-تۆ سايتىنا سىلتەمە جاساپ.

"ەگەر ءسىز تۇسكى استى ىشپەسەڭىز، بۇل كوبىنە قانداعى قانت مولشەرىنىڭ تۇسۋىنە اكەلەدى. ال قانت مولشەرىنىڭ ازايۋى باستىڭ اۋرۋىنا، جۇرەكتىڭ اينىپ، ءتىپتى باستىڭ اينالۋىنا اسەر ەتەدى"، - دەدى ول. 

"ەگەر تەك كومىرسۋ جەي بەرسە، وندا قانداعى قانت دەڭگەيى باستاپقىدا كوتەرىلەدى دە، كەيىن اقۋىزدىڭ جەتكىلىكسىزدىگىنەن وتە قاتتى تومەندەپ كەتەدى"، - دەپ ناقتىلادى گۋدسون.

ەگەر ءسىز كومىرسۋلارمەن تاماقتى تولىعىمەن تاستاساڭىز نەمەسە ونى تۇتىنۋدى ەداۋىر تومەندەتسەڭىز، ودان بولاتىن جاعىمسىز سالدارى كەمي تۇسەدى. 

اش قارىنعا تەك ءتاتتى جەۋ نەمەسە كوفە ءىشۋ دە باستىڭ اۋىرۋىنا اكەلەدى دەپ اتاپ ءوتتى ديەتولوگ.

"بارلىعى كوفەينگە ءار ءتۇرلى كوزقاراستا، دەگەنمەن بۇل جۇيكە جۇيەسىنىڭ قوزدىرعىشى بولعاندىقتان، ەگەر كوفەنى اش قارىنعا ىشسە، ول ادامداردا باس اۋرۋى مەن مازاسىزدىقتى تۋدىرادى"، – دەپ قورىتىندىلادى ول.