ۇزدىك رەجيسسەرلىك جۇمىسجۇلدەسى فرانسيالىق الي چەرريدىڭ «بوگەت» كارتيناسىنا بەرىلدى
الماتىدا X حالىقارالىق «باستاۋ» ستۋدەنتتىك جانە دەبيۋتتىك فيلمدەر كينوفەستيۆالىنىڭ جابىلۋ سالتاناتى بولىپ ءوتتى. فەستيۆالدىڭ قازىلار القاسى كينوكورسەتىلىمدى قورىتىندىلاپ، بىرنەشە نوميناسيا بويىنشا جەڭىمپازداردى انىقتادى، دەپ حابارلايدى Almaty-akshamy.kz.
گرۋزين رەجيسسەرى گەورگيي وۆاشۆيلي ءتوراعالىق ەتكەن حالىقارالىق قازىلار القاسى Bastau DEBUTS باعدارلاماسىندا بوليۆيادان كەلگەن «ۋتاما» كارتيناسىن ۇزدىك دەپ تانىدى.
رەجيسسەر الەحاندرو لوايس گريزيدىڭ ءفيلمى كەچۋا ۇلتىنىڭ وكىلى - قارت ەرلى-زايىپتىلار جايىندا باياندايدى.
تۋىندى اقپان ايىندا ايگىلى «ساندەنس» فەستيۆالىندە «الەمدىك كينو» باعدارلاماسىندا گران-پري جەڭىپ العان جانە بيىل بوليۆيادان «شەت تىلىندەگى ۇزدىك فيلم» نوميناسياسى بويىنشا «وسكار» سىيلىعىنا ۇسىنىلىپ وتىر.
ۇزدىك رەجيسسەرلىك جۇمىسجۇلدەسى فرانسيالىق الي چەرريدىڭ «بوگەت» كارتيناسىنا بەرىلدى، ال اكتەرلىك نوميناسيالاردا يندونەزيالىق ارسۆەندي بەنينگ سۆارا («ءومىربايان» ءفيلمى ءۇشىن) جانە چيليلىك الين كۋپپەنگەيم («1976» ءفيلمى ءۇشىن) جەڭىسكە جەتتى.
چيلي، ارگەنتينا جانە كاتاردىڭ بىرلەسكەن ءونىمى سانالاتىن سوڭعى تۋىندى («1976») قازىلار القاسىنىڭ ارنايى سىيلىعىن دا ۇتىپ الدى.
«مۇنداي فەستيۆالدەر جاستار ءۇشىن، العاشقى قادامدارىن جاسايتىن ستۋدەنتتەر ءۇشىن وتە ماڭىزدى. بۇل ومىرگە دەگەن جانە ءبىزدىڭ ىسىمىزگە دەگەن ۇلكەن موتيۆاسيا. اسىرەسە دەبيۋت ءۇشىن وتە ماڭىزدى – ال بىزدەر، قازىلار القاسى ءۇشىن بۇل ۇلكەن جاۋاپكەرشىلىك. سوندىقتان ءسىز جۇلدە الدىڭىز با، جوق پا، ماڭىزدى ەمەس - ءفيلمدى ءتۇسىرىپ شىعارعانىڭىزدىڭ ءوزى - جەڭىس. سول ءۇشىن دە كۇرەسۋدى توقتاپتاڭىزدار، سوندا عانا جەڭىسكە جەتەسىزدەر»، - دەدى ساحنادان حالىقارالىق قازىلار القاسىنىڭ ءتوراعاسى گ. وۆاشۆيلي.
فەستيۆالدىڭ ۇزدىك قىسقامەتراجدى كوركەم ءفيلمى نوميناسياسىندا قازاقستاندىق رەجيسسەر رومان چەرنيكوۆتىڭ «نينا» كارتيناسى جەڭىسكە جەتتى.
سونىمەن بىرگە BASTAU SHORTS باعدارلاماسىنىڭ قازىلار القاسى كەلەسى نوميناسيالار بويىنشا جەڭىمپازداردى انىقتادى:
ۇزدىك انيماسيالىق قىسقامەتراجدى فيلم - «ءتۇن» احماد سالەح، پالەستينا.
ۇزدىك قىسقامەتراجدى دەرەكتى فيلم – «ەۆەرەستى باعىندىرۋ» بينودا ادحيكاري، نەپال.
قازىلار القاسىنىڭ ارنايى جۇلدەسى – ازامات بۇكەشوۆتىڭ «جازدىڭ ەڭ ۇزاق كۇنى»، قازاقستان.
ەرەكشە اتالىم – «اليف.دو-رە-مي» اليدجون دجاليلوۆ، تاجىكستان.
BASTAU DOCS باعدارلاماسىندا باس جۇلدە ۆەتنامدىق حا لە ءديمنىڭ «تۇمان بالالارى» اتتى دەرەكتى كارتيناسىنا وزەكتىلىگى مەن بەينەسى، الەۋمەتتىك پروبلەمانىڭ كورىنىسى جانە وڭىرىمىزگە جاقىندىعى ءۇشىن بەرىلدى.
سونداي-اق، قازىلار القاسى يزرايلدىك شير نيۋماننىڭ «ۇنسىزدىك تۋرالى ايتۋ» كارتيناسىن ۇرپاقتار اراسىنداعى ديالوگ مۇمكىندىكتەرى مەن جەكە وقيعا ارقىلى حالىق تاريحىنا دەگەن كوزقاراستىڭ ماعىنالىلىعى ءۇشىن جانە بانگلادەشتىك حۋمايرا بيلكيستىڭ ءداستۇرلى قوعامداعى جەكە بوستاندىق تاريحىن ىزدەگەنى ءۇشىن «مەن اناما ەشقاشان ايتپايتىن نارسە» كارتيناسىن ەرەكشە اتاپ ءوتتى.
حالىقارالىق ستۋدەنتتىك قازىلار القاسى رەجيسسەر ماكسيم سيەۆرينوۆسكييدىڭ «روتشيلد سكريپكاسى» اتتى رەسەيلىك كارتيناعا فەستيۆالدىڭ ەڭ ۇزدىك قىسقامەتراجدى فيلم اتاعىن بەردى.
سونىمەن قاتار، قىرعىزستاندىق ەلديار ماداكيم تۇسىرگەن «سالۆادور دالي» كارتيناسى دا ەرەكشە اتالىپ ءوتتى.
بيىل فەستيۆالدە العاش رەت جۇمىس ىستەگەن نەتپاك قازىلار القاسى وزبەك رەجيسسەرى ديلشودبەك ۋسمونوۆتىڭ «مونتاج» فيلمىنە ءوز جۇلدەسىن ۇسىندى، ال «ورتالىق ازيانىڭ ۇزدىك ءفيلمى» رەتىندە «باستاۋ» فەستيۆالى پرەزيدەنتىنىڭ ارنايى جۇلدەسى رەجيسسەر ەرنەست ءابدىجاپاروۆتىڭ «اڭگىمەشى» كارتيناسىنا بەرىلدى.
تۇركيادان كەلگەن رەجيسسەر مەرت حارماندار «2300 شاقىرىم» كارتيناسى ءۇشىن «كورەرمەن كوزايىمى» سىيلىعىن الدى.
«بارشاڭىزعا ۇلكەن العىسىمدى ايتقىم كەلەدى. ەڭ باستىسى - كينو مەرەكەسى تويلاندى. وسى بەس كۇندە ءبىز فەستيۆالدان بارلىق قيىنشىلىقتاردى، نارازىلىقتاردى، تۇسىنىسپەۋشىلىكتەردى جەڭەتىن كۇش-قۋات الدىق»، - دەپ قورىتىندىلادى فەستيۆال پرەزيدەنتى س. ءازىموۆ.
بيىل بارلىق گران-پريلەرگە اقشالاي سىيلىق بەرىلدى.
ەستەرىڭىزگە سالا كەتسەك، ح «باستاۋدا» 40-تان استام ەلدەن 60-قا جۋىق كارتينا باسەكەگە ءتۇستى. بۇل - فەستيۆالدىڭ وزىندىك گەوگرافيالىق رەكوردى.