جاڭا رەيتينگىگە سايكەس، باسكەتبولدان قازاقستان ەرلەر قۇراماسى ءبىرىنشى ورىنعا جايعاستى
حالىقارالىق باسكەتبول فەدەراسياسى (FIBA) باسكەتبولدان الەم چەمپيوناتىنىڭ ازيا ايماعى ىرىكتەۋ ءتۋرنيرىنىڭ جاڭارتىلعان قۋاتتىلىق رەيتينگىن جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جاڭا رەيتينگىگە سايكەس، باسكەتبولدان قازاقستان ەرلەر قۇراماسى ءبىرىنشى ورىنعا جايعاستى. ال يوردانيا مەن اۆستراليا الدىڭعى ۇشتىكتى تۇيىندەدى.
ايتا كەتەيىك، قازاقستان ەرلەر قۇراماسى ازيا ايماعىنداعى ىرىكتەۋ ءتۋرنيرىنىڭ العاشقى ەكى كەزەڭىندە 4 كەزدەسۋدىڭ بارلىعىندا جەڭىسكە جەتىپ، 8 ۇپايمەن D توبىندا كوش باستادى.
قۋاتتىلىق رەيتينگىسى كوماندانىڭ ىرىكتەۋ تۋرنيرىندەگى ناتيجەلەرىنە سايكەس تۇزىلەدى.
قازاقستان ەرلەر قۇراماسى ىرىكتەۋ ءتۋرنيرىنىڭ ءۇشىنشى كەزەڭىندە يران جانە باحرەين قۇرامالارىمەن كۇش سىناسادى.