«ارسەلورميتتال تەمىرتاۋ» كومپانياسى اپات كەزىندە شاحتادا 252 ادام بولعانىن، 205 كەنشى جەر بەتىنە شىعارىلعانىن حابارلادى.
كوستەنكو شاحتاسىنداعى اپاتقا بايلانىستى قىلمىستىق ءىس قوزعالدى، دەپ حابارلايدى Almaty-akshamy.kz
سوتقا دەيىنگى تەرگەۋ قازاقستان رەسپۋبليكاسى قىلمىستىق كودەكسىنىڭ 277 باپتىڭ 3-تارماعى بويىنشا جۇرگىزىلەدى. («تاۋ-كەن جۇمىستارىن نەمەسە قۇرىلىس جۇمىستارىن جۇرگىزۋ كەزىندەگى قاۋىپسىزدىك ەرەجەلەرىن بۇزۋ») .
«ارنايى پروكۋرورلاردىڭ جەتەكشىلىگىمەن ۆەدومستۆوارالىق جەدەل تەرگەۋ توبى قۇرىلدى، ونىڭ قۇرامىنا ەڭ تاجىريبەلى قۇقىق قورعاۋ ورگاندارىنىڭ قىزمەتكەرلەرى مەن توتەنشە جاعدايلار مينيسترلىگىنىڭ ماماندارى كىرەدى»، - دەپ حابارلادى پروكۋراتۋرا.
وقيعا ورنىنداعى تەرگەۋ جۇمىستارىن جۇرگىزۋگە باس پروكۋروردىڭ ءبىرىنشى ورىنباسارى تيمۋر تاشىمبايەۆ پەن ىشكى ىستەر ءمينيسترىنىڭ ورىنباسارى قايرات سۇنتايەۆ بەكىتىلگەن.