الەۋمەتتىك جەلىلەردە 24 جانە 25 قازاندا ورتالىق الاڭداردا جەرگىلىكتى اتقارۋشى ورگاندارمەن كەلىسىلگەن ميتينگىلەرگە قاتىسۋ تۋرالى جالعان حابارلامالار مەن ارانداتۋشىلىق ۇندەۋلەر تاراتىلىپ جاتىر، دەپ حابارلايدى Almaty-akshamy.kz Inbussines.kz-كە سىلتەمە جاساپ.
بۇل كۇندەرى وسى جەرلەردە قانداي دا ءبىر ميتينگىلەر وتكىزۋ كەلىسىلمەگەن. "رەسپۋبليكا كۇنىن" مەرەكەلەۋدى ەسكەرە وتىرىپ، تەك رەسمي مادەني-بۇقارالىق ءىس-شارالار وتكىزىلەتىن بولادى. وسىعان بايلانىستى وسى جالعان حابارلامالارمەن جاريالانعان اكسيالاردى ۇيىمداستىرۋ جانە ولارعا قاتىسۋ، سونداي-اق ولارعا شاقىرۋ زاڭسىز. وكىنىشكە قاراي، ميتينگىلەردى نەمەسە وزگە دە بەيبىت جينالىستى وتكىزۋدىڭ زاڭدى ءتارتىبىن بىرنەشە رەت تۇسىندىرۋگە قاراماستان، ونى بۇزۋ ورىن الۋدا. بۇل ءتارتىپ 2020 جىلعى 25 مامىردا قابىلدانعان "قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى" زاڭمەن رەگلامەنتتەلگەنىنە نازار اۋدارامىز، - دەلىنگەن حابارلامادا.
سايكەسىنشە، زاڭ تالاپتارىن بۇزا وتىرىپ وتكىزىلەتىن ميتينگىلەردى، شەرۋلەردى، جينالىستاردى نەمەسە دەمونستراسيالاردى ۇيىمداستىرۋ جانە ولارعا قاتىسۋ (3 - باپتىڭ 3-تارماعى) زاڭسىز بولىپ تابىلادى جانە 25 تاۋلىككە دەيىن قاماققا الۋمەن اكىمشىلىك قۇقىق بۇزۋشىلىق تۋرالى كودەكستىڭ 488-بابى بويىنشا جاۋاپتىلىققا اكەپ سوعادى.
مىسالى، 15 قازاندا الماتى قالاسىندا زاڭسىز ميتينگكە قاتىسۋعا شاقىرعان وسىنداي ۇندەۋلەر ءۇشىن ا. دەگەن ازاماتقا سوت اقبتك-نىڭ 488-بابىنىڭ 7-بولىگى بويىنشا 15 تاۋلىككە قاماققا الۋ تۇرىندە اكىمشىلىك جازا قولداندى. وسىنداي قۇقىق بۇزۋشىلىق ءۇشىن ا.ج. 12 قازاندا الماتى وبلىسىندا ازامات د. 15 تاۋلىككە قاماققا الىندى. مازمۇندالعاننىڭ نەگىزىندە، سونداي-اق زاڭدىلىقتى، قوعامدىق قاۋىپسىزدىكتى قامتاماسىز ەتۋ، قۇقىق بۇزۋشىلىقتاردىڭ الدىن الۋ، ادام مەن ازاماتتىڭ قۇقىقتارى مەن بوستاندىقتارىن قورعاۋ ماقساتىندا قولدانىستاعى زاڭناما نورمالارىن مۇلتىكسىز ساقتاۋعا، ارانداتۋشىلىققا بەرىلمەۋگە جانە زاڭسىز اكسيالاردى، ولارعا جاريا شاقىرۋلاردى ۇيىمداستىرۋدان جانە ولارعا قاتىسۋدان باس تارتۋعا شاقىرامىز. قۇقىق قورعاۋ ورگاندارى بەلگىلەنگەن قۇقىقتىق تارتىپكە قول سۇعاتىن كەز كەلگەن قۇقىق بۇزۋشىلىقتاردىڭ جولىن كەسەتىن جانە كىنالى ادامدارعا زاڭدا كوزدەلگەن بارلىق شارالاردى قابىلدايتىن بولادى، - دەلىنگەن باس پروكۋراتۋرا تاراتقان حابارلامادا.