باس پروكۋروردىڭ ورىنباسارى عالىمجان قويگەلدييەۆ تويعا بارعان باقىتگۇل حامەنوۆاعا قاتىستى پىكىر ءبىلدىردى، - دەپ حابارلايدى aqshamnews.kz ءتىلشىسى.
ونىڭايتۋىنشا، سوتتالعان ادامعا قاتىستى جازاسىن وتەۋدى كەيىنگە قالدىرۋ قولدانىلسا، وعان توي سياقتى شارالارعا بارۋعا تىيىم سالىنبايدى.
"باقىتگۇل حامەنوۆاعا ءۇش جىلعا جازانى وتەۋدى كەيىنگە قالدىرۋ قولدانىلعان. مۇنداي جاعدايدا ءىس-شارالارعا قاتىسۋعا تىيىم سالىنبايدى. ول پروباسيا قىزمەتىنەن رۇقسات العان"، – دەدى باس پروكۋروردىڭ ورىنباسارى سەنات كۋلۋارىندا.
ەسكە سالايىق، بۇعان دەيىن ءىىم قىلمىستىق-اتقارۋ جۇيەسى كوميتەتى (قاجك) دە باقىتگۇل حامەنوۆا تۇسكەن ۆيدەونى تۇسىندىرگەن بولاتىن. وندا حامەنوۆا پروباسيا قىزمەتىنىڭ باقىلاۋىندا ەكەنى ايتىلعان.
ايتا كەتەيىك، 2022 جىلى 15 قاراشادا باقىتگۇل حامەنوۆاعا قاتىستى سوت ۇكىمى شىقتى. سوت ونى كىنالى دەپ تاۋىپ، جەتى جىلعا باس بوستاندىعىنان ايىرۋ جازاسىن تاعايىندادى.