بۇگىن قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعان ۇلى قوستاناي وبلىسىنا بارعان ساپارىندا اۋليەكول اۋدانىندا بولىپ، ورتتەن زارداپ شەككەن ازاماتتارمەن كەزدەستى.
بۇل تۋرالى Almaty-akshamy.kz قازاقستان مۇسىلماندارى ءدىني باسقارماسىنىڭ باسپا ءسوز قىزمەتىنە سىلتەمە جاساپ حابارلايدى.
اۋليەكول اۋىلىنداعى مەكتەپكە كوشىرىلگەن جاندارمەن جۇزدەسكەن ناۋرىزباي قاجى تاعان ۇلى: «اللا تاعالا بۇل سىناقتى سابىرمەن جەڭىپ شىعۋعا، ءورتتى تەز ارادا اۋىزدىقتاۋعا كۇش-قۋات ءناسىپ ەتسىن. ءبىز سىزدەرگە ءوز مۇمكىندىگىمىزدىڭ اياسىندا رۋحاني ءارى ماتەريالدىق تۇرعىدان كومەك كورسەتۋگە دايىنبىز. سول ءۇشىن ارنايى الدارىڭىزعا كەلىپ وتىرمىز. جاراتۋشى جاببار يەمىز ەلىمىز بەن جەرىمىزدى ءتۇرلى سىناقتان، توسىننان كەلەتىن تابيعي اپاتتاردان ساقتاعاي» دەدى.