ساۋاپتى شاراعا ەلىمىزدىڭ بارلىق وڭىرلەرىندەگى قۇلشىلىق وردالارى دا ءۇن قوسىپ، بۇگىن ءبىر مەزەتتە قايعىلى وقيعادا قازا تاپقانداردىڭ رۋحىنا قۇران باعىشتالدى.
بۇگىن ەلىمىزدە جاريالانعان جالپىۇلتتىق ازا تۇتۋ كۇنىنە وراي قمدب ءتوراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن بارلىق مەشىتتەردە قۇران حاتىم دۇعاسى جاسالدى، دەپ حابارلايدى Almaty-akshamy.kz قمدب-نا سىلتەمە جاساپ.
ەلوردا تورىندەگى «ازىرەت سۇلتان» مەشىتىندە باس ءمۇفتي ناۋرىزباي قاجى تاعان ۇلى باستاعان ءدىن قىزمەتكەرلەرى قۇران حاتىم دۇعاسىنا قاتىسىپ، الاپات ءورت سالدارىنان قايتىس بولعان مۇسىلماندار رۋحىنا قۇران باعىشتادى. مەملەكەتىمىزدىڭ كوكبايراعى تومەن ءتۇسىرىلىپ، كۇللى قازاقستان حالقى قايعىعا شومعان ازالى كۇندە مارقۇمدارداردىڭ ارتىندا قالعان تۋىستارى مەن جاقىندارىنا كوركەم سابىر سۇراپ، جاراتۋشى اللادان جاقسىلىق تىلەدى.
ساۋاپتى شارادان سوڭ تىلشىلەر قاۋىمىنا بەرگەن سۇحباتىندا باس ءمۇفتي: «بۇگىن جالپىۇلتتىق ازا تۇتۋ كۇنىندە مارقۇم بولعان مۇسىلمان جانداردىڭ رۋحىنا ارنايى قۇران حاتىم دۇعاسىن باعىشتادىق. اللا قابىل ەتسىن! ءتىلسىز جاۋدان قازا تاپقان ازاماتتاردى اللا مەيىرىمىنە العاي. قيىن ساتتە ءار ازامات بىرلىگىن تانىتىپ، ءوز تاراپىنان قولداۋ كورسەتۋدە. ءبىز، ءدىن قىزمەتكەرلەرى دە كۇن سايىن دۇعا جاساۋدامىز. سونىمەن قاتار قمدب جانىنداعى «زەكەت جانە قايىرىمدىلىق» قورى اپات بولعان ورىندا قايىرىمدىلىق ءىس-شارالاردى جۇزەگە اسىرۋدا»، – دەپ اتاپ ءوتتى.