بۇل تۋرالى ول قۇربان ايت مەرەكەسىن قورىتىندىلاۋ جيىنىندا مالىمدەدى.
مال سويۋعا ارنالعان ارنايى ورىندار قمدب وكىلدىكتەرىنە قارايدى. ورتاق جوبانى وسى جىلدىڭ سوڭىنا دەيىن ازىرلەۋ جوسپارلانىپ وتىر، دەپ حابارلايدى Almaty-akshamy.kz.
قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ءىرى قالالاردا قاساپحانا سالۋ جونىندە باستاما كوتەردى.
«قۇرمەتتى باس يمامدار! ءبىز وسىمەن توقتاپ قالماي، جۇمىسىمىزدى ودان ءارى جەتىلدىرۋىمىز كەرەك. الداعى قۇربان ايت مەرەكەلەرىندە مال سويۋ جاعىنان قيىندىقتار تۋىنداماۋى ءۇشىن قمدب وكىلدىكتەرىنە قاراستى قاساپحانالار بولۋى كەرەك دەگەن شەشىمگە كەلدىم»، - دەدى باس ءمۇفتي.
قمدب ءتوراعاسى 2022 جىلدىڭ سوڭىنا دەيىن ءار قالادا جاڭادان سالىناتىن قاساپحاناعا ارنالعان جەر ماسەلەسىن شەشۋدى جانە «ۋاقىپ قورى» مەن «حالال دامۋ» مەكەمەلەرىنە ەلىمىز بويىنشا حالال ستاندارتتارىنا ساي كەلەتىن قاساپحانانىڭ ورتاق جوباسىن دايىنداپ شىعۋدى تاپسىردى.