قياسوۆ باكتەريولوگيالىق جانە سانيتارلىق-گيگيەنالىق زەرتحانالاردىڭ بولمەلەرىن تەكسەردى
تۇركىستانعا جۇمىس ساپارى بارىسىندا باس مەملەكەتتىك سانيتارلىق دارىگەر - دەنساۋلىق ساقتاۋ ۆيسە-مينيسترى ەرلان قياسوۆ وڭىردەگى ەپيدەميولوگيالىق جاعدايمەن تانىستى، دەپ حابارلايدى Almaty-akshamy.kz دسم سىلتەمە جاساپ.
ق ر دەنساۋلىق ساقتاۋ ۆيسە-مينيسترى مينيسترلەرمەن كەزدەسۋ بارىسىندا تۇركىستان وبلىسى ەپيدەميولوگيالىق باعالاۋ ماتريساسى بويىنشا ۇزاق ۋاقىت «جاسىل» ايماقتا تۇرعان رەسپۋبليكاداعى جالعىز ءوڭىر بولىپ تابىلاتىنىن اتاپ ءوتتى.
سونىمەن قاتار ۆيسە-مينيستر وبلىستىڭ باس مەملەكەتتىك سانيتارلىق دارىگەرى نۇربەك نىشانوۆپەن بىرگە قالالىق جانە اۋداندىق سانيتارلىق-ەپيدەميولوگيالىق باقىلاۋ باسقارمالارىنا بارىپ، جۇرگىزىلىپ جاتقان جۇمىستاردىڭ بارىسىمەن تانىستى.
ق ر دەنساۋلىق ساقتاۋ ۆيسە-مينيسترى ق ر دسم سەبك ۇلتتىق ساراپتاما ورتالىعىنىڭ تۇركىستان قالالىق بولىمشەسىندە بولدى. مۇندا ول باكتەريولوگيالىق جانە سانيتارلىق-گيگيەنالىق زەرتحانالاردىڭ بولمەلەرىن تەكسەردى.
ساراپتامالىق بولىمشە 2020 جىلى ق ر دەنساۋلىق ساقتاۋ مينيسترلىگىنىڭ قولداۋىمەن جىلجىمالى زەرتحانالىق كەشەنگە قول جەتكىزدى. جاڭا تەحنولوگيالارمەن جابدىقتالعان كەشەن رەسەي فەدەراسياسىندا دا بار. قازىرگى ۋاقىتتا كەشەندە پتر سىنامالارىن زەرتتەۋ قىزمەتى جۇمىس ىستەيدى.
تۇركىستاندا 12 جاستان اسقان جاسوسپىرىمدەر مەن جۇكتى جانە بالا ەمىزەتىن ايەلدەر اراسىندا COVID-19-عا قارسى «Pfizer» پرەپاراتىمەن ۆاكسيناسيا جالعاسۋدا.
مەكەمەلەردە الدىن الۋ جۇمىستارىن جۇرگىزۋ ءۇشىن بارلىق جاعداي جاسالعان. مەديسينالىق ماماندار ارنايى وقۋدان ءوتتى.
«Pfizer» ۆاكسيناسياسى ەرىكتى تۇردە جۇرگىزىلەدى، ونىڭ ىشىندە اتا-اناسىنىڭ نەمەسە زاڭدى وكىلىنىڭ كەلىسىمىمەن عانا ەگىلەتىن جاسوسپىرىمدەر دە بار.
قازىرگى ۋاقىتتا ايماق بويىنشا «Pfizer» پرەپاراتىن قابىلداعانداردىڭ سانى – 14097 ادام. ونىڭ 11162 - ءى ءجاسوسپىرىم، 1921 - ءى جۇكتى جانە 1014ء-ى بالا ەمىزەتىن ايەلدەر. ۆاكسيناسيادان كەيىن پاسيەنتتەر دارىگەرلەردىڭ باقىلاۋىندا بولادى.
ايتا كەتەيىك، تۇركىستان وبلىسىنا 46800 دانا «Pfizer» پرەپاراتىنىڭ جاڭا پارتياسى جەتكىزىلدى.