«الماتى قالاسى مۋزەيلەر بىرلەستىگى» قالا كۇنىنە وراي «مەن الماتى تاريحىن بىلەمىن» اتتى بايقاۋ وتكىزىپ جاتىر. بايقاۋعا الماتى قالاسىنىڭ جالپى ءبىلىم بەرۋ مەكتەپتەرىنىڭ، ليسەي جانە گيمنازيالارىنىڭ جوعارى سىنىپ (9-11 سىنىپ) وقۋشىلارى قاتىسا الادى.
بايقاۋ ەكى كەزەڭنەن تۇرادى: ءبىرىنشى كەزەڭ: بايقاۋعا قاتىسۋشىلار الماتى قالاسىنىڭ تاريحى تۋرالى وچەرك (ەسسە) جازادى. جازىلعان وچەركتەر (ەسسەلەر) 2-12 قىركۇيەك ارالىعىندا بايقاۋدىڭ (museumalmaty@mail.ru) ەلەكتروندى پوشتاسىنا قابىلدانادى. جۇمىستى عالىم، تاريحشى، ارحەولوگ جانە مادەنيەت قايراتكەرلەرىنەن قۇرىلعان كوميسسيا باعالايدى.
ەكىنشى كەزەڭ: ەڭ ۇزدىك 30 جۇمىستىڭ يەگەرلەرى 14 قىركۇيەكتە الماتى قالاسى تاريحىنىڭ نەگىزگى ماسەلەلەرى، وقيعالارى مەن ەرەكشەلىكتەرىن انىقتايتىن تەست تاپسىرادى. ۇپاي سانى تەڭ تۇسكەن جاعدايدا، جەڭىمپاز سۇحباتتاسۋ ارقىلى انىقتالادى (فورماتى: سۇراق-جاۋاپ).
جەڭىمپازدار مەن جۇلدەگەرلەرگە قۇندى سىيلىقتار تابىستالادى:
ءبىرىنشى ورىن – Iphone 14 Pro؛
ەكىنشى ورىن – Apple iPad Air 2022؛
ءۇشىنشى ورىن – Apple AirPods Pro 2nd generation.
تولىق اقپاراتتى مىنا نومىرلەر ارقىلى الا الاسىزدار:
272-43-21، 267-59-05
8 700 653 98 82