«ءداندى داقىلداردان سۋرەت سالۋ» شەبەرلىك ساباعى ءوتتى
باس بوتانيكالىق باقتا رەليكتى وسىمدىكتەردى جانە ساندىك بۇتاقتىلاردى وتىرعىزۋ جۇمىستارى باستالدى، دەپ حابارلايدى Almaty-akshamy.kz.
قازاقستاننىڭ باس بوتانيكالىق باعىندا رەليكتى وسىمدىكتەردىڭ جانە ساندىك بۇتاقتىلاردى وتىرعىزۋ جۇمىستارى باستالدى. بۇل تۋرالى الماتى قالاسىندا ورمان شارۋاشىلىعى جانە جانۋارلار دۇنيەسى كوميتەتىنىڭ وكىلدەرىمەن وتكەن كەزدەسۋ بارىسىندا باس بوتانيكالىق باقتىڭ ديرەكتورى گۇلنارا سيتپايەۆا مالىمدەدى. بۇل كولەكسيالار قازاقستان فلوراسىنىڭ رەليكتى جانە الەمدىك فلورانىڭ ساندىك بۇتاقتى بىرەگەي تۇرلەرىمەن قوناقتاردى تانىستىرۋعا باعىتتالعان عىلىمي جوبا بولماق. سونداي-اق، ەكسپوزيسيوندى جەر بولىمدەرى رەتىندە دە قىزمەت اتقارادى.
جيىندا ورمان شارۋاشىلىعى باسقارماسىنىڭ جەتەكشىسى ءمادي نۇرپەيىسوۆ ەلىمىزدەگى باس بوتانيكالىق باقتىڭ جۇمىس جوسپارىمەن تانىسىپ، قىزمەتكەرلەردى حالىقارالىق ورمان كۇنىمەن قۇتتىقتادى.
كەزدەسۋدە قازاقستاننىڭ وسىمدىك رەسۋرستارىن زەرتتەۋ، ساقتاۋ جانە قالپىنا كەلتىرۋ بويىنشا عىلىمي جوبالاردى ىسكە اسىرۋ، باس بوتانيكالىق باقتىڭ 2022 جىلعا ارنالعان جۇمىس جوسپارى تالقىلاندى. سونىمەن قاتار وسىمدىكتەردىڭ كوللەكسيالىق قورى تانىستىرىلدى.
ايتا كەتەيىك كەزدەسۋ سوڭىندا حالىقارالىق ورمان كۇنىنە جانە ناۋرىز مەرەكەسىنە وراي باس بوتانيكالىق باقتىڭ قىزمەتكەرلەرى كىشكەنتاي بۇلدىرشىندەرگە «ءداندى داقىلداردان سۋرەت سالۋ» شەبەرلىك ساباعىن وتكىزدى.
