جەرلەستەر جانكۇيەرلەر ءۇمىتىن اقتادى
قۇرلىقتىق حوككەي ليگاسىنىڭ كەزەكتى تۋرىندا «بارىس» ەلوردادا «اۆتوموبيليست» (ەكاتەرينبۋرگ) كومانداسىمەن ايدىنعا شىقتى، دەپ حابارلايدى Almaty-akshamy.kz
شىعىس كونفەرەنسيادا «بارىس» پەن «اۆتوموبيليست» سايكەسىنشە سەگىزىنشى، توعىزىندا ورىندا ەدى. سوندىقتان ۇزدىك سەگىزدىككە ىلىگۋ ءۇشىن بۇل ماچتىڭ ماڭىزى زور بولاتىن.
«بارىستىڭ» مەرگەن شابۋىلشىلارى نيكيتا ميحايليس پەن كەرتيس ۆولك وسىعان دەيىن ءتورت ويىن بويى گول سوعا الماسا، بۇل جولى قانجىعالارى مايلاندى. 4-مينۋتتا ن.ميحايليس كەرتيس ۆولك پەن ەگور شالاپوۆتىڭ پاسىنان كەيىن ەسەپ اشتى. كوپ ۇزاماي ايدىننان قۋىلعان دميتريي گۋركوۆتىڭ شىعۋىنا ءبىر سەكۋند قالعاندا، قوناقتاردان ستەفان دا كوستا سان باسىمدىلىعىن پايدالانىپ كەتتى – 1:1. دەگەنمەن ياكوب ليليا مەن ن.ميحايليس ۇيىمداستىرعان ادەمى شابۋىلدان سوڭ ك.ۆولك ەسەپتى 2:1-گە جەتكىزدى. ەكىنشى كەزەڭدە ايدىن يەلەرى ءۇش مارتە سان باسىمدىلىعىن پايدالانا المادى. كەرىسىنشە،
سونداي ساتتە اناتوليي گولىشيەۆ تارازى باسىن تەڭەستىرىپ كەتتى – 2:2.
ءۇشىنشى كەزەڭدە دە، وۆەرتايمدا دا وسى ەسەپ وزگەرمەگەننەن كەيىن كەزدەسۋ تاعدىرى بۋلليت سەرياسىندا شەشىلدى. مۇندا ياكۋب ليليا مەن ليندەن ۆەي قاقپانى ءدال كوزدەدى. ماچ بارىسىندا ەلوردالىقتاردىڭ قاقپاشىسى يوني ورتيو كوپتەگەن سوققىنى قايتارا الدى.
وسىلايشا «بارىس» ماڭىزدى ەكى ۇپايعا يە بولىپ، سەگىزىنشى ورىندى ساقتاپ قالدى. يۋريي ءميحايليستىڭ شاكىرتتەرى بيىلعى جىلدىڭ ەڭ سوڭعى ويىنىن 29 جەلتوقسان كۇنى ەلوردادا شىعىس كونفەرەنسياسىندا ءۇشىنشى ورىندا كەلە جاتقان «سالاۆات يۋلايەۆ» (ۋفا) كومانداسىمەن وتكىزەدى.
ايتا كەتەيىك، بۇدان بۇرىن «بارىستىڭ» «تراكتور» كومانداسىنان ۇتىلعانىن، ەلوردادا «ءاۆتوموبيليستى» قابىلدايتىنىن جازعان بولاتىنبىز.