قازاقستاندىق «بارىس» كومانداسى 19 قاڭتاردا قۇرلىقتىق حوككەي ليگاسىنداعى كەزەكتى كەزدەسۋىن رەسەيدىڭ ياروسلاۆل قالاسىندا جەرگىلىكتى «لوكوموتيۆ» كومانداسىنا قارسى وتكىزدى.
ەلوردالىق كلۋب قاتارىنان ون جەڭىلىس الىپ، تۋرنير كەستەسىنىڭ سوڭعى ساتىسىندا قالىپ وتىر. ال «لوكوموتيۆ» بيىلعى ماۋسىمدا ءساتتى ويىن كورسەتىپ، كوش باسىندا كەلەدى. سوندىقتان بۇگىنگى كەزدەسۋ قازاقستاندىق كوماندا ءۇشىن وڭايعا سوقپايتىنى انىق ەدى.
ءبىرىنشى كەزەڭدە قوس كوماندا دا ساق ويناپ، قاقپالارعا گول سوعا المادى. الايدا ەكىنشى كەزەڭدە رەسەيلىك كلۋبتىڭ شابۋىلى كۇشەيە ءتۇستى. 20-مينۋتتا الەكساندر رادۋلوۆ ەسەپ اشىپ، «لوكوموتيۆتى» العا شىعاردى. كەيىن 25-مينۋتتا بايرون فرەيز، ال 38-مينۋتتا رادۋلوۆ تاعى ءبىر مارتە مەرگەندىك تانىتىپ، ەسەپتى 3:0-گە جەتكىزدى.
وسىلايشا، «بارىس» 0:3 ەسەبىمەن جەڭىلىپ، قاتارىنان ون ءبىرىنشى رەت ۇتىلدى. بۇل ناتيجە ەلوردالىق كلۋبتىڭ جاعدايىن ودان ءارى قيىنداتىپ وتىر.