قازۇازۋ-دا ەنداۋمەنت قور قۇرىلادى
قازاق ۇلتتىق اگرارلىق زەرتتەۋ ۋنيۆەرسيتەتىنىڭ باسشىسى، ۇعا اكادەميگى، پروفەسسور اقىلبەك كۇرىشبايەۆ اپپاراتتىق كەڭەستە «قازۇازۋ ەنداۋمەنت» قورىن قۇرۋدى تاپسىردى.
بۇل رەتتە، قورعا جيناقتالعان قاراجات ءتۇرلى مەرەكەلىك ءىس-شارالارعا ەمەس، ەڭ الدىمەن، توزىعى جەتكەن جاتاقحانالاردى جاڭعىرتۋعا، قازۇازۋ ستۋدەنتتەرىنىڭ الەۋمەتتىك-تۇرمىستىق جاعدايلارىن جاقسارتۋعا باعىتتالادى.
قازۇازۋ شاڭىراعىندا نەگىزىنەن اۋىلدىق جەرلەردەن كەلگەن جاستار وقيدى، كوپشىلىگى تۇرمىسى تومەن وتباسىنان شىققاندار. سوندىقتان، ەنداۋمەنت قورىنان تۇسكەن قاراجات ستۋدەنتتەردىڭ الەۋمەتتىك-تۇرمىستىق جاعدايلارىن جاقسارتۋعا جۇمسالادى.
ەنداۋمەنت قورىنىڭ جۇمىسىن جۇرگىزۋ ءۇشىن ارنايى ەسەپشوت اشىلادى. قور ينۆەستيسيالاۋدان تۇسكەن قاراجات تەك بەلگىلىلەنگەن ناقتى ماقساتتارعا سايكەس جۇمسالادى جانە اشىقتىق قامتاماسىز ەتىلەدى. قامقورشىلار كەڭەسى قۇرىلادى، وعان بەلگىلى قوعام جانە عىلىم قايراتكەرلەرى، ۋنيۆەرسيتەتىمىزدىڭ تۇلەكتەرى كىرەدى.
قازۇازۋ باسپا ءسوز قىزمەتى