2025 جىلدىڭ 27 تامىزدان باستاپ الماتى قالاسىنىڭ اۋماعىندا "باقىتتى وتباسى — باقىتتى ەل" رەسپۋبليكالىق اكسياسى باستالدى،دەپ حابارلايدى aqshamnews.kz
اكسيانىڭ ماقساتى - وتباسىلىق قۇندىلىقتاردى نىعايتۋ، كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ، سونداي-اق اتا-انالار مەن بالالار اراسىنداعى قۇقىقتىق مادەنيەت دەڭگەيىن ارتتىرۋ.
اكسيا اياسىندا تۇركسىب اۋداندىق پوليسيا باسقارماسىنىڭ قىزمەتكەرلەرى مەكتەپتەر مەن بالاباقشالاردا تاقىرىپتىق كەزدەسۋلەر، اتا-انالارمەن پروفيلاكتيكالىق اڭگىمەلەر، كامەلەتكە تولماعانداردىڭ قۇقىقتارى مەن مىندەتتەرى تۋرالى دارىستەر، سونداي-اق وتباسىلىق ءال-اۋقات پەن قاۋىپسىزدىك ماسەلەلەرى بويىنشا ءتۇسىندىرۋ جۇمىستارىن ۇيىمداستىرادى. ء-وتباسى-بىزدىڭ قوعامنىڭ نەگىزى. وتباسىندا ادامگەرشىلىك باعدارلار قالانادى، زاڭ مەن قوعامعا قۇرمەت قالىپتاسادى، — دەپ اتاپ ءوتتى تۇركسىب اۋدانىنىڭ پوليسيا باسقارماسىنىڭ جەرگىلىكتى پوليسيا قىزمەتى ءبولىمىنىڭ باستىعى پوليسيا پودپولكوۆنيگى قايسار تولەبەكوۆ — ءبىزدىڭ مىندەتىمىز — قۇقىقتىق ءتارتىپتى قامتاماسىز ەتۋ عانا ەمەس، سونىمەن قاتار بالالار مەن ولاردىڭ اتا-انالارى ءۇشىن سالاۋاتتى، ءقاۋىپسىز جانە قولايلى ورتانى ساقتاۋ.
سونداي-اق، اكسيا اياسىندا سپورتتىق جانە مادەني ءىس-شارالار جوسپارلانعان، وعان پوليسەيلەر دە، قالانىڭ ءار تۇكپىرىنەن كەلگەن وتباسىلار دا قاتىسادى. بالالاردى ءوزارا تۇسىنىستىك، جاۋاپكەرشىلىك جانە ازاماتتىق سانا رۋحىندا تاربيەلەپ وتىرعان وتباسىلارعا ەرەكشە كوڭىل بولىنەتىن بولادى.
اكسيانىڭ ءوتۋ ۋاقىتى ەكى اپتا جانە كوپتەگەن الەۋمەتتىك ينستيتۋتتاردى قامتيدى. بۇل باقىتتى وتباسى تەك جەكە يگىلىك ەمەس، سونىمەن قاتار تۇراقتى جانە ۇيلەسىمدى قوعامعا قوسقان ۇلەسى ەكەنىن كورسەتەدى.