1 ماۋسىمدا ءوتىنىم قابىلداۋ جوسپارلانىپ وتىر
«باقىتتى وتباسى» باعدارلاماسىنا قاتىساتىن ادامداردىڭ سانى ارتتى. بۇل جونىندە ورتالىق كومممۋنيكاسيالار قىزمەتىندە وتكەن بريفينگتە ايتىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ءقازىر بۇل باعدارلاما اياسىندا ءۇش ساناتقا كىرەتىن ادامدار باسپانا الا الادى. ولار – كوپبالالى، تولىق ەمەس جانە مۇگەدەك بالانى تاربيەلەپ وتىرعان وتباسىلار. ەندى الداعى ۋاقىتتا جەتىم جانە I-II توپتاعى مۇگەدەك جاندار دا قاتىسۋعا مۇمكىندىك الادى. بيىل «باقىتتى وتباسىنا» 51 ميلليارد تەڭگە بولىنگەن. وسى اقشاعا شامامەن 5 000 ادامعا 2 پروسەنتتىك يپوتەكا بەرىلەدى.
«بيىل ءبىز «باقىتتى وتباسى» باعدارلاماسىن شامامەن 15 ماۋسىمدا باستايمىز. 1 ماۋسىمدا ءوتىنىم قابىلداۋدى ىسكە قوسامىز دەپ جوسپارلاعانبىز. ءبىراق بۇگىندە تۇرعىن ءۇي تولەمدەرىن سۋبسيديالاۋ جوباسىن اياقتاۋ قاجەت. سوندىقتان «باقىتتى وتباسى» باعدارلاماسىن شەگەرۋگە شەشىم قابىلدادىق»، – دەدى «وتباسى بانك» اق باسقارما ءتورايىمى ءلاززات يبراگيموۆا.