الماتى اكىمى باقىتجان ساعىنتايەۆ قالا تىرشىلىگىن قالىپقا كەلتىرۋ شتابىمەن جيىن وتكىزدى، دەپ حابارلايدى اlmaty-akshamy.kz
جيىننىڭ اشىلۋىندا اكىم قالا تۇرعىندارىنا سابىرلىق پەن باتىلدىق تانىتىپ، ءتارتىپ ورناتۋعا ىقپال ەتكەنى ءۇشىن العىس ءبىلدىردى.
- ۋاقىتىلى قولدانىلعان شارالاردىڭ ارقاسىندا سودىرداردىڭ كۇشتەرى تالقاندالدى. ءقازىر قالا تىرشىلىگىن قالپىنا كەلتىرۋ بويىنشا قالالىق شتاب تاۋلىك بويى جۇمىس ىستەپ جاتىر. قالا اقىرىنداپ بۇرىنعى قالپىنا ورالىپ جاتىر. بارلىق اۋداندا اۋماقتى تازارتۋ جۇمىسى جۇرگىزىلىپ جاتىر. وسى كۇندەرى قالانىڭ تىرشىلىگى ءۇشىن قامتاماسىز ەتۋ قىزمەتتەرى ۇزدىكسىز جۇمىس ىستەدى. تۇرعىندارعا سۋ، جىلۋ جانە گاز بەرۋ شتاتتى رەجيمدە جۇمىس ىستەپ تۇر، - دەدى ب.ساعىنتايەۆ.
اكىم سونداي-اق قالانى ازىق-تۇلىكپەن قامتاماسىز ەتۋ قالپىنا كەلتىرىلىپ جاتقانىن جەتكىزدى.