«الماتى» تا-داعى Akimat LIVE باعدارلاماسىنىڭ تىكەلەي ەفيرى كەزىندە قالا تۇرعىندارىنىڭ سۇراقتارىنا جاۋاپ بەرە وتىرىپ، قالا اكىمى باقىتجان ساعىنتايەۆ ءمودۋلدى قۇتقارۋ لاشىقتارى بارۋى قيىن جەرلەرگە تىكۇشاقتاردىڭ كومەگىمەن جەتكىزىلەتىنىن ايتتى، دەپ حابارلايدى almaty-akshamy.kz
«شىن مانىندە، تىكۇشاقتار ءمودۋلدى قۇتقارۋ لاشىقتارىن ورناتۋ ورىندارىنا جەتكىزەدى. ويتكەنى، تاۋلى جەرلەردە كولىكپەن ءجۇرۋ وتە قيىن، سوندىقتان تىكۇشاقتار پايدالانىلادى»، - دەپ جاۋاپ بەردى باقىتجان ساعىنتايەۆ تاۋدا نە تاسىمالداناتىنى تۋرالى سۇراققا.
الماتى اكىمى قۇتقارۋ مودۋلدەرىن ورناتۋ تاۋداعى قاۋىپسىزدىكتى قامتاماسىز ەتۋ بويىنشا كەشەندى شارالار اياسىندا جۇرگىزىلىپ جاتقانىن ەسكە سالدى. وسى ماقساتتا تاۋ جولدارى سيفرلاندىرىلادى جانە اباتتاندىرىلادى. سونىمەن قاتار، شىمبۇلاقتا، مەدەۋدە ۆيزيت-ورتالىقتاردىڭ جۇمىسى ىسكە قوسىلدى. وسىنداي ورتالىقتار ايۋساي شاتقالىندا جانە گورەلنيك جىلۋ كوزىنىڭ جانىندا اشىلدى. مۇندا تاۋلارداعى ءقاۋىپسىز ءتارتىپ بويىنشا نۇسقاۋلىق وتكىزىلەدى.
تۋريستەردىڭ قاۋىپسىزدىگى ءۇشىن ۇيالى بايلانىسپەن قامتۋ ايماعى كەڭەيتىلۋدە، كىشى جانە ۇلكەن الماتى شاتقالدارىندا 2 باقىلاۋ-قۇتقارۋ پۋنكتى، تۇيىق سۋ شاتقالىندا تىكۇشاق الاڭى سالىنۋدا، قۇتقارۋ جاساقتارىنا دابىل بەرۋ تۇيمەلەرى بار 10 راديورەلەلىك دىڭگەك ورناتىلۋدا.
بۇگىندە 15 قۇتقارۋ لاشىعىنىڭ 7 نۇكتەسى ورناتىلدى، ولار مىنا جەرلەردە: «جوعارعى گورەلنيك»، «تۇيىق سۋ» مۇزدىعىنىڭ سوڭعى مورەناسى، «لۋننايا پوليانا»، «پروحودنوە» شاتقالى، «ۇلكەن الماتى» شاتقالى، «قىزىلساي شاتقالى» جانە «سول جاقتاعى تالعار». قاراشا ايىنىڭ سوڭىنا دەيىن تاعى 8 ورناتۋ جوسپارلانۋدا.
ءار لاشىق قۇتقارۋشىلار پۋلتىنە سيگنال بەرۋ ءۇشىن «SOS» باتىرماسىمەن جابدىقتالعان. سونداي-اق، لاشىقتىڭ ءىشى جىلىتىلادى ءارى مۇندا العاشقى مەديسينالىق كومەك پاكەتى، ۇيالى تەلەفوندى زاريادتاۋ، جىلى كورپە جانە بۇزىلمايتىن ونىمدەر جيىنتىعى بار.
ايتا كەتەرلىگى، تۋريستەردىڭ تاۋ لاشىقتارىن پايدالانعان جاعدايلارى بولدى. كەيبىرەۋلەر باعىتتىڭ ۋاقىتىن نەمەسە ءوز كۇشىن ەسەپتەي الماسا نەمەسە اۋا رايى بۇزىلسا، سول جەردە قالىپ، تۇنەيدى. ماسەلەن، سالتانات ەسىمدى قالا تۇرعىنى Instagram الەۋمەتتىك جەلىسىندە «پيلا» شىڭىنان سوڭ «پروحودنوە» شاتقالىنداعى لاشىقتا ءۇزىلىس جاساپ، تىنىققانىن حابارلادى.
قۇتقارۋ مودۋلدەرىنىڭ قيىن جاعدايعا تاپ بولعان ءارى اۋا رايىنىڭ قولايسىزدىعىنا وراي تاۋدا قالعان تۋريستەر اراسىندا جازاتايىم وقيعالاردىڭ الدىن الۋ ماقساتىندا ورناتىلعانىن اتاپ وتكەن ورىندى.