قازان ايىندا كۇزگى اعاش وتىرعىزۋ باستالادى، وعان قالا تۇرعىندارى قاتىسا الادى، دەپ حابارلايدى almaty-akshamy.kz
قالا اكىمى باقىتجان ساعىنتايەۆ «الماتى» تا-داعى Akimat Live باعدارلاماسىنىڭ تىكەلەي ەفيرىندە قالا تۇرعىندارىنىڭ سۇراقتارىنا جاۋاپ بەرە وتىرىپ، اۋلالاردى اباتتاندىرۋ بويىنشا بايقاۋ جالعاساتىنىن ايتتى.
Jasyl Almaty باعدارلاماسى اياسىندا كوكتەمدە 64 594 كوشەت وتىرعىزىلدى. كۇزدە 285 مىڭنان استام كوشەت وتىرعىزۋ جوسپارلانعان. جۇمىس قازان ايىندا قالانىڭ بارلىق اۋداندارىندا باستالادى. قازاق تەرەگى، كۇل، كۇمىس بۇلان، نورۆەگيا ۇيەڭكىسى، دولانا، سونداي-اق الما مەن ورىك سياقتى جەمىس اعاشتارىنىڭ كوشەتتەرى دايىندالدى.
سونداي-اق، «جاسىل اۋلا» اكسياسى اياسىندا تۇرعىندارعا اۋلالارىن كوگالداندىرۋ ءۇشىن كوشەتتەر تاراتىلادى. ايتا كەتەرلىگى، باقىتجان ساعىنتايەۆ بايقاۋ كەزىندە جەڭىمپاز اتانىپ، 5 ملن تەڭگە العان اۋلانى كورىكتەندىرۋ جونىندەگى بايقاۋدىڭ كەلەر جىلى دا جالعاساتىنىن اتاپ ءوتتى. وعان زاڭدى تۇلعالار دا قوسىلادى، ولار اۋماقتى كوگالداندىرۋ بويىنشا بايقاۋعا قاتىسا الادى.