قۇرامىندا ب. تورعايەۆ، ج. سۇلەيمەنوۆا، س. ادامبايەۆ، ا. سارىم، ا. پلاتونوۆ، ق. نۋروۆ جانە م. احمەتوۆ بار ءماجىلىس دەپۋتاتتارىنىڭ توبىمەن كەزدەسۋدە Nur Otan پارتياسى الماتى قالالىق فيليالىنىڭ ءتوراعاسى، مەگاپوليس اكىمى باقىتجان ساعىنتايەۆ قالا تۇرعىندارىن تولعاندىراتىن وزەكتى ماسەلەلەردى جۇيەلى تۇردە شەشۋ بارىسى تۋرالى حابارلادى،دەپ حابارلايدى Almaty-akshamy.kz.
تالقىلاۋ بارىسىندا «شەتسىز قالا» قاعيداتى بويىنشا قالالىقتاردىڭ ءومىر ءسۇرۋ ساپاسىن جاقسارتۋعا باعىتتالعان جوبالاردى ىسكە اسىرۋ بويىنشا جۇرگىزىلىپ جاتقان جۇمىستاردىڭ تيىمدىلىگىن ارتتىرۋ تۋرالى پىكىر الماسۋ بولدى. كەزدەسۋدە VII شاقىرىلعان پارلامەنت ءماجىلىسىنىڭ دەپۋتاتتارى ب. تورعايەۆ، س. ادامبايەۆ، ق. نۋروۆ ءسوز سويلەپ، Nur Otan پارتياسىنىڭ سايلاۋالدى باعدارلاماسىنىڭ مىندەتتەرىن جۇزەگە اسىرۋدىڭ جوعارى قارقىنىن اتاپ ءوتتى.