جۇمىس ساپارى كەزىندە الماتى اكىمى باقىتجان ساعىنتايەۆ جاڭا قالالىق سەرۋەندەۋ ايماعىنىڭ قۇرىلىسىمەن تانىستى، دەپ حابارلايدى Almaty-akshamy.kz.
مەگاپوليس اكىمى Instagram-داعى اككاۋنتىندا قۇرىلىستىڭ كەيبىر تەتىكتەرىمەن ءبولىستى.
«ەسەنتاي وزەنىندەگى جاڭا قالالىق پرومەناد اجارلانا ءتۇستى. ءبىرىنشى ۋچاسكەدە ۇزىندىعى 1،8 كم جاياۋ جۇرگىنشىلەر جولىن رەتتەۋ مەن جاعالاۋدى بەكىتۋ جۇمىسى اياقتالدى. ەسەنتاي وزەنىنىڭ ارناسى بويىنداعى جاياۋ جۇرگىنشىلەر ايماعىنىڭ جالپى ۇزىندىعى، سۋ بولگىشتەن جاماقايەۆ كوشەسىنە دەيىن 4،2 كم»، - دەپ جازدى باقىتجان ساعىنتايەۆ.
ونىڭ ايتۋىنشا، جاعالاۋعا جارىق شامدارى ورناتىلدى، ويىن جانە سپورت الاڭدارى جاسالدى.
«كوگالداندىرۋدى باستاپ، 3 مىڭنان استام بۇتا مەن 3 مىڭ شارشى مەتر جۋىق جەرگە كوپجىلدىق وسىمدىكتەردى ەگەمىز. قاراعاي، شار تەكتەس اكاسيا مەن ۇيەڭكى، ارشا مەن لاۆاندا ەرەكشە ميكروكليمات ورناتىپ، اۋاعا فيتونسيد بولەدى. اعاشتان جاسالعان 800 م جاياۋ جۇرگىنشى جولى مەن 1،6 كم تاس جولى سالىندى»، - دەپ اتاپ ءوتتى قالا اكىمى.
باقىتجان ساعىنتايەۆ وزەننىڭ كورۋ الاڭدارىن جاساۋدى جانە ەكولوگيالىق تازا ماتەريالداردان جاسالعان ورىندىقتاردى قويۋ قاجەتتىگىنە نازار اۋداردى.
«بۇل جەر الماتىلىقتاردىڭ سۇيىكتى ورىندارىنىڭ بىرىنە اينالاتىنىنا سەنىمدىمىن»، - دەپ جازدى الماتى اكىمى.
قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايانىڭ ايتۋىنشا، وتكەن جىلى باستالعان جاياۋ جۇرگىنشىلەر ايماعىنىڭ قۇرىلىسى كۇردەلى تابيعي لاندشافتپەن كۇردەلەنگەن.
«بۇل جەردەگى ەسەنتاي وزەنىنىڭ اعىسى اسا تولقىندى، اسىرەسە سۋ تاسقىنى كەزىندە. سوندىقتان، الماتى قالاسىنىڭ اكىمى ب. ساعىنتايەۆ سەرۋەندەۋ ايماعىن ۇيىمداستىرۋ جانە وسى جەردىڭ تابيعي ورتاسىن بارىنشا ساقتاي وتىرىپ، وزەن ارناسىن نىعايتۋ مىندەتىن قويدى»، - دەپ اتاپ ءوتتى ن. ليۆينسكايا ءاربىر بولشەك ساراپشىلارمەن مۇقيات تالقىلاناتىنىن ايتتى.
جاڭا جوبانىڭ ارقاسىندا ءال-فارابي داڭعىلىنان ەسەنتاي وزەنىنىڭ بۇرىن اباتتاندىرىلعان جاعالاۋى سۋ بولگىشكە دەيىن، ال بولاشاقتا ودان دا جوعارى مەدەۋگە دەيىن سوزىلادى. وسىلايشا، قالا تۇرعىندارى ىڭعايلى جاعدايدا قالادان تاۋعا سەرۋەندەي الادى.
«الماتى وزەندەرى - بۇل قالانىڭ بىرەگەي قازىناسى، ءبىز ولاردىڭ بويىندا ازاماتتاردىڭ بەلسەندى جانە پايدالى دەمالۋى ءۇشىن جايلى قوعامدىق كەڭىستىكتەر جاسايمىز. ەگەر قالادا ەسەنتاي وزەنىنىڭ جاعالاۋى ۋربانيستىك سيپاتقا يە بولسا، وندا ءبىز جاماقايەۆتىڭ ۇستىندەگى ۋچاسكەدە ونى ءبۇتىن، ۇيلەسىمدى تۇردە ورناتىلعان ورىندىقتار مەن بەلسەندى دەمالىس ورىندارىن ساقتاۋعا تىرىستىق»، - دەپ اتاپ ءوتتى باسقارما باسشىسى.
قالالىق كەڭىستىكتى دامىتۋ جونىندەگى ساراپشى دارحان تۇرتايەۆ مەگاپوليس ءۇشىن جاياۋ جۇرگىنشىلەر ايماعىنىڭ دامۋى ماڭىزدى ەكەنىن، ويتكەنى ولار ونىڭ ءار ءتۇرلى بولىكتەرىن بايلانىستىرىپ، قالالىقتاردىڭ ءوزارا ارەكەتتەسۋىنە كومەكتەسەتىنىن، ولاردى بىرىكتىرەتىنىن اتاپ وتەدى.
«ۇلكەن قالادا ءار ءتۇرلى قوعامدىق كلاستەرلەر بار، مىسالى، تۇرعىنداردىڭ ىشكى اينالىمى بار جەكە سەكتور. ماسەلە مىنادا، ولار قالانىڭ جالپى ديناميكاسىمەن جاقسى بايلانىسپايدى. ەسەنتاي سياقتى جاياۋ جۇرگىنشىلەر ايماعىن قۇرۋ جاياۋ جۇرگىنشىلەر قوزعالىسىن دامىتادى، بۇل جەرگىلىكتى كەڭىستىكتىڭ دامۋىنا وڭ اسەر ەتەدى»، - دەيدى د. تۇرتايەۆ.
جاڭا كەڭىستىكتىڭ نەگىزگى فۋنكسيونالدىعى – بۇل جاياۋ ءجۇرۋ جانە سپورت. قوسىمشا كوگالداندىرۋ ونى جاڭارتۋعا مۇمكىندىك بەرەدى، ال ستيليستيكالىق تاڭدالعان ەلەمەنتتەر بىرەگەي قوعامدىق ايماقتى قۇرايدى. ۋاقىت وتە كەلە جاڭا تەررەنكۋر تۇرعىنداردىڭ عانا ەمەس، سونىمەن قاتار تۋريستەر ءۇشىن دە تارتىمدى بولادى دەپ نىق سەنىم ءبىلدىردى ساراپشى.