الماتى بولاشاققا سەنىممەن قارايدى.
بۇل قۇتتىقتاۋىن مەگاپوليس باسشىسى ءوزىنىڭ ينستاگرامداعى پاراقشاسىندا جاريالادى، دەپ حابارلايدى Almaty-akshamy.kz
«قۇرمەتتى الماتىلىقتار! تاۋەلسىزدىكتىڭ 30 جىلدىعى مەرەكەسىمەن قۇتتىقتايمىن!
الماتى بولاشاققا سەنىممەن قارايدى. ءبىز ءقازىر زاماناۋي مەگاپوليستىڭ ينفراقۇرىلىمدىق ماسەلەلەرىن وڭتايلى شەشىپ، بالاباقشامەن مەكتەپتەردى، اۋرۋحانا مەن سپورت كەشەندەرىن سالۋدى جۇيەلى جولعا قويدىق. ەكولوگيانى جاقسارتۋ جولىندا جۇمىلا جۇمىس ىستەپ، مۇقتاج جانداردى تۇرعىن ۇيمەن قامتاماسىز ەتۋگە، الەۋمەتتىك جاعىنان وسال ازاماتتاردى جان-جاقتى قولداۋعا كۇش سالىپ كەلەمىز.
ءبىز ءوزىمىزدىڭ تۇپكى ماقساتىمىزعا – الەمنىڭ ۇزدىك قالالارىنىڭ قاتارىنا ەركىن ەنۋ جولىنا بارلىق كۇش-جىگەرىمىزدى سالامىز. بىرلىك بار جەردە تىرلىك بار. بۇل بيىك مەجەلەرگە بىرلەسە قول جەتكىزەتىنىمىزگە سەنىمىم مول. تولايىم تابىس ءاربىر الماتىلىقتىڭ ءوز قولىندا! بارشاڭىزعا زور دەنساۋلىق، ورتاق ىستە تاباندىلىق پەن باق-بەرەكە تىلەيمىن!
تاۋەلسىزدىك كۇنى قۇتتى بولسىن!» -دەپ قۇتتىقتادى قالا اكىمى.