شارا اياسىندا ساياباقتار، گۇلزارلار، اۋلالار تازارتىلادى.
«تەحنودوم» ساۋدا ءۇيىنىڭ جارناما روليكتەرى ارقىلى تانىمال ع.مۇسىرەپوۆ اتىنداعى قازاق مەملەكەتتىك بالالار مەن جاسوسپىرىمدەر تەاترىنىڭ اكتەرى، «سەرپەر» جاستار سىيلىعىنىڭ يەگەرى باقىت تۋشايەۆ ءۇشىن بۇگىنگى كۇنى مەرەكەگە تەڭ. اكتەردىڭ ءار سوزىنەن ارۋ الماتىعا دەگەن ماحابباتى سەزىلەدى.
«الماتىنىڭ تازالىعى ادامنىڭ ءوزىنىڭ تازالىعى دەپ ويلايمىن. ادامنىڭ ىشكى جان دۇنيەسىنىڭ تازالىعى قورشاعان ورتاعا دا اسەر ەتەدى. سول سەبەپتى الماتىلىقتارعا قالامىزدى تازا ۇستايىق دەگىم كەلەدى. تابيعاتتى مەيلىنشە ايالايىق. تابيعاتتى ايالاي بىلگەن ادام، ءاربىر دۇنيەسىن ايالاي بىلەدى»، - دەدى باقىت باۋم توعايىندا.
ايتا كەتەيىك، بۇگىن الماتىدا قالالىق اكىمدىكتىڭ قولداۋىمەن قوعامدىق ۇيىمدار ۇيىمداستىرعان «Almaty Clean & Green» ەكولوگيالىق اكسياسى ءوتىپ جاتىر. بۇل يگى شارا اياسىندا ساياباقتار، گۇلزارلار، اۋلالار، قاراۋسىز قالعان اۋماقتار مەن قوعامدىق ورىندار تازارتىلادى.