فۋتبولدان قازاقستان ۇلتتىق قۇراماسىنىڭ ويىنشىسى باقتيەر زاينۋتدينوۆ 2024 جىلعى ەۋروپا بىرىنشىلىگىنىڭ ىرىكتەۋ تۋرنيرىندە سان-مارينو جانە سلوۆەنيامەن وتەتىن ماچتارعا قاتىسا المايدى، دەپ حابارلايدى اlmaty-akshamy.kz.
قازاقستان فۋتبول فەدەراسياسىنىڭ باسپا ءسوز قىزمەتىنەن ءمالىم ەتكەندەي، باقتيەر «بەشيكتاش» – «ىستامبۇل باشاكشەحير» ماچىندا مۇرىن سۇيەگى مەن كوز ۇياسىنىڭ نەگىزىن سىندىرىپ العان.
ونىڭ ەمدەلۋىنە كەمىندە 2-3 اپتا ۋاقىت كەتەدى.
«جوسپار بويىنشا باقتيەر زاينۋتدينوۆ ۇلتتىق قۇراما ساپىنا بۇگىن قوسىلۋى كەرەك بولاتىن. وكىنىشكە قاراي، وقۋ-جاتتىعۋ جيىنىنا جانە شەشۋشى ەكى ويىنعا بارا المايدى. ءبارىمىز باحاعا بار قولداۋىمىزدى كورسەتىپ، تەزىرەك ساۋىعىپ كەتكەنىن تىلەيىك، دوستار!» دەپ جازادى فەدەراسيانىڭ باسپا ءسوز قىزمەتى.