ب ا ق قىزمەتكەرلەرىنىڭ كاسىبي مەرەكەسىنە وراي بايقاۋ جاريالاندى

بايقاۋدى قازاقستان جۋرناليستەر وداعى جاريالادى

قازاقستاندا 2022 جىل بالالار جىلى بولىپ جاريالاندى. ولاردىڭ اماندىعى – مەملەكەتىمىزدىڭ تابىستى بولاشاعىنىڭ سەنىمدى كەپىلى. وسىعان بايلانىستى بۇل تاقىرىپ باسىمدىققا يە بولادى، دەپ حابارلايدى Almaty-akshamy.kz Elorda.info-عا سىلتەمە جاساپ. 

سونداي-اق، 28 ماۋسىم – جۋرناليستيكا كۇنىنە وراي ب ا ق وكىلدەرى اراسىندا وتەتىن ءداستۇرلى بايقاۋ جۋرناليستەردىڭ باسقا تاقىرىپتاردى تاڭداۋىنا دا مۇمكىندىك بەرەدى.

«بايقاۋعا ۇسىنىلاتىن ماتەريالدارعا قويىلاتىن نەگىزگى تالاپ – تاقىرىپتى وبەكتيۆتى، جان-جاقتى، تەرەڭ اشۋ، ماسەلەگە وزىندىك، شىعارماشىلىق كوزقاراس، وزەكتىلىك، تيىمدىلىك. اعىمداعى تاقىرىپ بويىنشا جاريالانىمدار سەرياسى باسىمدىققا يە بولاتىنىن دا ەسكەرتە كەتەمىز. كونكۋرسقا 2022 جىلعى 1 قاڭتاردان باستاپ 2022 جىلعى 1 ماۋسىمعا دەيىن جاريالانعان نەمەسە ەفيرگە شىققان ماتەريالدار، فوتوسۋرەتتەر، راديو-، بەينەسيۋجەتتەر قابىلدانادى. ۇسىنىلعان ماتەريالدار سانى 5-تەن اسپاۋى ءتيىس»، – دەلىنگەن حابارلامادا.

بايقاۋعا ماتەريالدار قابىلداۋ 10 ماۋسىمدا اياقتالادى.

ماتەريالدارعا سىلتەمەلەردى كورسەتە وتىرىپ ساۋالنامالىق مالىمەتتەردى union-press@kazmedia.kz پوشتاسىنا ەلەكتروندى تۇردە جىبەرۋ كەرەك. ساۋالنامادا ءسىز جۇمىس ورنىڭىزدى، لاۋازىمىڭىزدى، ءۇي مەكەنجايىڭىزدى، تەلەفون ءنومىرىڭىزدى جانە ماتەريالداردىڭ قاي باسىلىمداردا جاريالانعانىن كورسەتۋىڭىز قاجەت.

بايقاۋ ناتيجەسى 20 ماۋسىمدا جاريالانادى، ماراپاتتاۋ 2022 جىلدىڭ 28 ماۋسىمىندا الماتىدا وتەدى.

قازىلار القاسىنىڭ قۇرامى جانە بايقاۋ تۋرالى باسقا دا ماڭىزدى اقپارات جۋرناليستەر وداعىنىڭ Facebook پاراقشاسىندا جاريالانادى.