الماتىدا 11 جەلتوقسان كۇنى ب ا ق قىزمەتكەرلەرى اراسىندا «ۆەچەرنيي Almaty» گازەتىنىڭ 85 جىلدىعىنا وراي قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان بيلياردتان تۋرنير وتەدى.
شىعارماشىلىق كاسىپتىڭ وكىلدەرى قالام مەن ميكروفوندى بيليارد تاياقشاسىنا، ال اقپاراتتىڭ دالدىگىن ويىن شارلارىنىڭ ءدال ءتۇسۋ دالدىگىنە الماستىراتىن بولادى. اتالعان تۋرنير – اعىمداعى جىل سوڭىندا ورىن الاتىن ەرەكشە وقيعالاردىڭ ءبىرى. دودا «Alataý Aqparat» ج ش س – «ۆەچەرنيي Almaty» جانە «Almaty aqshamy» گازەتتەرىنىڭ ۇيىمداستىرۋىمەن جۇزەگە اسادى. ءتۋرنيردىڭ باس دەمەۋشىسى – «قازاقستاننىڭ قۇرىلىس سالاسىنىڭ وداعى» زتب.
جارىستا قالالىق جانە رەسپۋبليكالىق گازەتتەردىڭ، تەليەۆيزيالىق ارنالاردىڭ جانە اقپاراتتىق پورتالداردىڭ وكىلدەرى ب ا ق سىنايدى. تۋرنير حالىقارالىق پيراميدا كوميتەتىنىڭ قولدانىستاعى ەرەجەلەرىنە سايكەس «ەركىن پيراميدا» نەمەسە «امەريكاندىق» ويىن بويىنشا وتكىزىلەدى. تۋرنير ويىندارىن تىكەلەي وتكىزۋ قازاقستان رەسپۋبليكاسى بيليارد سپورتى فەدەراسياسىنىڭ تورەشىلەر القاسىنا جۇكتەلەدى.
قالاداعى ەڭ بايىرعى باسىلىمداردىڭ ءبىرى - «ۆەچەرنيي Almaty» تەك ۋاقىتپەن قاتار قادام باسىپ قانا قويماي، مەگاپوليستىڭ وزىندىك سيمۆولى بولىپ قالىپتاستى. 1936 جىلى جارىق كورگەن ءبىرىنشى نومىردەن باستاپ وسى كۇنگە دەيىن حالىق گازەتى قالالىق وقيعالاردى جاريالاۋعا بەلسەندى قاتىسىپ قانا قويماي، مەگاپوليستىڭ ومىرىنە دە ەرەكشە ۇلەس قوسۋدا.
اتاپ ايتقاندا، اعاش وتىرعىزۋ، جالپىقالالىق سەنبىلىكتەرگە قاتىسۋ، مەدەۋدە «دەنساۋلىق باسپالداقتارى» بويىنشا سپورتتىق جۇگىرىستەردى ۇيىمداستىرۋ جانە قالا تۇرعىندارى مەن ءتۇرلى باسىلىمدارداعى ارىپتەستەردى بىرىكتىرەتىن باسقا دا ءىس-شارالار. ب ا ق قىزمەتكەرلەرى اراسىنداعى بيليارد بويىنشا بيىلعى تۋرنير وسىنىڭ تاعى ءبىر دالەلى بولماق.
ءىس-شارا جەڭىمپازدارىن بىرەگەي كۋبوكتار مەن باعالى سىيلىقتار كۇتەدى. سونداي-اق، ارىپتەستەرىمىزگە ىنتالاندىرۋ سىيلىقتارى تابىستالادى