سوتتان تىس بانكروتتىق پروسەدۋرانى قولدانۋ» مەملەكەتتىك قىزمەتى eGov.kz پورتالى مەن eGov Mobile قوسىمشاسىندا قولجەتىمدى
3 ناۋرىزدان باستاپ كۇشىنە ەنگەن «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭعا سايكەس eGov.kz پورتالىندا جانە eGov Mobile ءموبيلدى قوسىمشاسىندا بانكروتتىققا ءوتىنىشتى بورىشكەردىڭ ءوزى عانا بەرە الادى.
ءوتىنىش بەرەر الدىندا بورىشكەر الدىمەن مىنا مالىمەتتەردى تەكسەرۋ كەرەك:
- بانكتەر، ميكروقارجى ۇيىمدارى، كوللەكتورلىق اگەنتتىكتەر الدىنداعى بەرەشەك 5،5 ملن تەڭگەدەن اسپاۋى ءتيىس جانە مەرزىمى كەمىندە 12 اي بولۋى كەرەك؛
- ورتاق مەنشىكتى مۇلىكتى قوسا العاندا مۇلىكتىڭ مەنشىك قۇقىعىندا بولماۋى؛
- بانكتىڭ نەمەسە ميكروقارجى ۇيىمىنىڭ شارت تالاپتارىن وزگەرتۋدەن باس تارتۋ تۋرالى جاۋابىن ۇسىنۋ (بانكتىڭ نەمەسە ميكروقارجى ۇيىمىنىڭ جاۋابى بولماعان جاعدايدا، بورىشكەر ءوتىنىشىنىڭ كوشىرمەسى نەمەسە ءوتىنىشتىڭ ەلەكتروندىق فورماتتا جىبەرىلگەنى تۋرالى راستاما)؛
- ەگەر قارىز 5 جىلدان ارتىق وتەلمەسە، وندا اتالعان شارتتىڭ بىردە-بىرى ەسكەرىلمەيدى؛
- ااك الۋشىلارى سانالاتىن بورىشكەرلەر 6 اي بويى وسى ءراسىمدى قولدانۋ ءۇشىن مەرزىمى ءوتىپ كەتكەن ۋاقىتتى ەسەپكە الماي ءوتىنىش بەرە الادى؛
- ءموبيلدى ازاماتتار بازاسىندا (ماب) بورىشكەر مەن جۇبايىنىڭ تەلەفون ءنومىرىنىڭ تىركەلگەنىن تەكسەرۋ كەرەك. ۇيالى ءنومىردى تىركەۋ ءۇشىن سىلتەمە بويىنشا ءوتۋ كەرەك – my.egov.kz.
«قۇرمەتتى پايدالانۋشىلار، eGov.kz پورتالىندا جانە حالىققا قىزمەت كورسەتۋ ورتالىعىندا بارلىق قاجەتتى قۇجاتتارسىز ءوتىنىش بەرۋدىڭ ءمانى جوق، ەڭ الدىمەن ەكىنشى دەڭگەيلى بانكتەردەن قاجەتتى راستاۋلاردى الىڭىزدار. وسىدان كەيىن عانا جەكە تۇلعانىڭ بانكروتتىعىنا ءوتىنىش بەرۋگە بولادى»، - دەيدى «ۇلتتىق اقپاراتتىق تەحنولوگيالار» اق باسقارما ءتوراعاسى روستيسلاۆ كونياشكين.
EGov.kz پورتالىنداعى جاڭا قىزمەتتى پورتالدىڭ باستى بەتىندە جانە «ازاماتتارعا» - «كەدەن جانە سالىقتار» - «ەكونوميكا جانە قارجى» بولىمىنەن تابۋعا بولادى. انالوگيالىق قىزمەت eGov Mobile ءموبيلدى قوسىمشاسىنىڭ «ارنايى قىزمەتتەر» بولىمىندە قولجەتىمدى.
سوتتان تىس بانكروتتىققا ءوتىنىش بەرۋ ءۇشىن:
- «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭدا كوزدەلگەن ازاماتتى بانكروت دەپ تانۋ تۋرالى سوتتان تىس ارىز بەرۋ شارتتارىنىڭ ساقتالۋىن راستاۋ؛
- نەكەدە بولۋ جاعدايىندا جارىنىڭ ءجسن-ىن كورسەتۋ؛
- نەسيەلەر بار قارجى ينستيتۋتتارى تۋرالى مالىمەتتەردى تولتىرۋ؛
- سالىق ورگانىن كورسەتۋ جانە قۇجاتتاردىڭ كوشىرمەلەرىن قوسۋ؛
- ااك الۋشى بولسا، بەلگى قويۋ؛
- ەگەر مىندەتتەمەلەردى ورىنداۋ مەرزىمى 5 جىلدان استام بولسا، بەلگى قويۋ؛
- وتىنىشكە ءبىر رەتتىك قۇپيا ءسوز نەمەسە ەسق ارقىلى قول قويۋ؛
- ءوتىنىشتى جىبەرگەننەن كەيىن ءوتىنىش بەرۋشىنىڭ جارى جەكە كابينەتتە ءوتىنىشتى ماقۇلدايدى.
قىزمەت ناتيجەسى 15 جۇمىس كۇنى ىشىندە جەكە كابينەتتە شەشىمگە سىلتەمە تۇرىندە پايدا بولادى. شەشىمدى ق ر قارجى مينيسترلىگى سايتىنان قاراۋعا بولادى. سوتتان تىس بانكروتتىق ءراسىمى 6 ايعا دەيىن سوزىلادى.
سونىمەن قاتار، اتالمىش قىزمەت بانكروتتىق تۋرالى سوتتان تىس ءىس جۇرگىزۋدى توقتاتۋ تۋرالى ءوتىنىش بەرۋدى قاراستىرادى. ءراسىم پايدالانۋشى تۋرالى اقپارات جاريالانعان كۇننەن باستاپ 6 ايدا قاراستىرىلادى.
جاڭا قىزمەت «ۇلتتىق اقپاراتتىق تەحنولوگيالار» اق، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ مەن قارجى مينيسترلىگىنىڭ بىرلەسكەن جۇمىسىنىڭ ارقاسىندا ىسكە اسىرىلدى.