تاعى 150-دەن استام ادام ءتۇرلى جاراقاتپەن اۋرۋحاناعا تۇسكەن
بانگلادەشتىڭ وڭتۇستىك-باتىسىندا حيميكات ساقتالعان كونتەينەردە بولعان جويقىن جارىلىستان قازا تاپقانداردىڭ سانى 45-كە ارتتى، دەپ حابارلايدى Almaty-akshamy.kz «حابار 24» تەلارناسىنا سىلتەمە جاساپ.
قازا تاپقانداردىڭ اراسىندا ءورت سوندىرۋشىلەر دە بار. تاعى 150-دەن استام ادام ءتۇرلى جاراقاتپەن اۋرۋحاناعا تۇسكەن. پوليسيا قىزمەتكەرلەرىنىڭ مالىمەتى بويىنشا الدىمەن حيميالىق زاتقا تولى كونتەينەردە ءورت شىعىپ، سوڭى جارىلىسقا ۇلاستى. ۋلى زاتتاردىڭ تەڭىزگە توگىلمەۋى ءۇشىن وقيعا ورنىنا اسكەريلەر تارتىلدى.
اپاتتىڭ سەبەبىن انىقتاۋ ءۇشىن تەرگەۋ ءىسى جالعاسىپ جاتىر. اقپارات قۇرالدارى بۇل جەردە 5 مىڭعا جۋىق كونتەينەر بولعانىن ايتادى. جەرگىلىكتى بيلىك مەرت بولعانداردىڭ وتباسىلارىنا قارجىلاي كومەك كورسەتىلەتىنىن حابارلادى.