جىلدىڭ قاي مەزگىلىندە بولسا دا بۇل جەمىستى تابۋ قيىن ەمەس.
بانان ادام اعزاسى ءۇشىن وتە پايدالى جەمىستەردىڭ ءبىرى. قۇرامىندا A، C، E، B توبى، مينەرالدار - مىس، مارگانەس، مىرىش، كاليي، ماگنيي، كۇكىرت، تەمىر، بور، يود، موليبدەن سياقتى دارۋمەندەر، سونىمەن قاتار كاتەحولاميندەر، گليۋكوزا، ساحاروزا، تالشىق، فرۋكتوزا بار، دەپ حابارلايدى aqshamnews.kz ernur.kz-كە سىلتەمە جاساپ.
سونداي-اق، بەلوكتار، مايلار جانە كومىرسۋلارعا دا باي جەمىس. 100 گ جەمىستە 21 گ كومىرسۋ بار. باناندى تەك جەپ قانا قويماي، ودان ءتۇرلى ماسكالار جاساۋعا بولادى. شاشتان باستاپ تەرىنى كۇتۋگە دەيىن بانان ماسكالارى ءار ءتۇرلى دەرماتولوگيالىق ماسەلەلەردى شەشەتىن ءدارى رەتىندە تانىمال. باناننان جاسالعان ماسكا تەرىنى نارلەندىرەدى جانە كرەمنەزەمدى قۇرامىنا بايلانىستى جاقسارتا الادى.
اجىمگە قارسى بانان ماسكاسى
قۇرامى: *بانان؛ *جۇمىرتقانىڭ اقۋىزى؛ *ليمون شىرىنى. دايىندالۋ جولى: ماسكانى دايىنداۋ ءۇشىن باناننىڭ 1/3 بولىگىن اقۋىزعا قوسىپ ەزەسىز، ليمون شىرىنىنان از مولشەردە قوسىپ ارالاستىراسىز. ماسكانى جاقپاس بۇرىن بەتىڭىزدى تازالاپ جۋىپ الىڭىز. ماسكانى بەتكە جاعىپ، 20 مينۋت كۇتەسىز. سودان كەيىن جىلى سۋمەن جۋىپ تاستايسىز. بۇل ماسكا ءسىزدىڭ بەتىڭىزدەگى اجىمگە قارسى جۇمىس جاساپ، سۇلۋلىعىڭىزدى ارتتىرا تۇسەدى. ادامنىڭ جاسى ۇلعايا كەلە تەرىدەگى كوللاگەننىڭ ازايۋى تابيعي قۇبىلىس. كوللاگەننىڭ جوعالۋى تەرىنى السىرەتىپ، مايدا سىزىقتار مەن اجىمدەردىڭ پايدا بولۋىنا اكەلۋى مۇمكىن. الايدا، ونىڭ الدىن الۋعا بولادى. وسى بانان ماسكاسى ارقىلى دا ۇلكەن ناتيجەگە جەتە الاسىز. باناننان جاسالعان ماسكا كرەمنيي ارقىلى كوللاگەندى كوبەيتىپ، اجىمدەردىڭ الدىن الۋعا ىقپال ەتەدى.
بەت تەرىسىن جىلتىراتاتىن ماسكا
بانان انتيوكسيدانتتارعا باي، ول ادام اعزاسىنداعى بوس راديكالدارمەن كۇرەسۋگە كومەكتەسەدى. تەرىڭىز ءۇشىن انتيوكسيدانتتاردى قولدانۋ راديكالدى زاقىمدانۋدان قورعاۋعا سەبەپ بولادى.
بەزەۋگە ارنالعان بانان ماسكاسى
باناندا شاي اعاشى مايى، بەنزوي پەروكسيدى نەمەسە ساليسيل قىشقىلى سياقتى قارقىندى كۇرەسەتىن كومپونەنتتەر جوق، ءبىراق ولار تەرىنىڭ قابىنۋىن ا دارۋمەنى اسەرىنەن ازايتىپ، بەزەۋدى ازايتۋعا كومەكتەسەدى. كۇننەن قورعايتىن بانان ماسكاسى بەت ماسكاسى كۇندەلىكتى كۇننەن قورعايتىن كرەمدى الماستىرا الماسا دا، باناننىڭ قۇرامىندا انتيوكسيدانتتار بار، ولار تەرىڭىزدىڭ كۇن ساۋلەسىنەن قورعايتىن تابيعي قابىلەتىن ارتتىرادى. سەبەبى، بانان ا، س جانە ە دارۋمەندەرىمەن تانىمال.
بانان قۇرعاق تەرىگە كومەكتەسەدى. سەبەبى، باناننىڭ قۇرامىنداعى ۆ-6 دارۋمەنى مەن كالييدىڭ اسەرىنەن بولۋى مۇمكىن.
ساقتىق شارالارى جانە ىقتيمال جاناما اسەرلەرى
سيرەك بولسا دا، بەت ماسكالارىنىڭ اللەرگيالىق رەاكسياسىن تۋدىرۋى ىقتيمال. ەگەر ءسىز تەرىڭىزدە اللەرگيا تۋىنداۋى مۇمكىن دەپ كۇدىكتەنسەڭىز، باناننان جاسالعان ماسكادان مۇلدە اۋلاق بولۋىڭىز كەرەك.