سىبايلاس جەمقورلىققا قارسى قىزمەت ق ر اشم بالىق شارۋاشىلىعى كوميتەتىنىڭ ءتوراعاسى مەن كوميتەتتىڭ بالىق رەسۋرستارىن قورعاۋ جانە بالىق اۋلاۋدى رەتتەۋ باسقارماسىنىڭ باسشىسىنا قاتىستى 2021 جىلدان باستاپ 2024 جىلعى اقپانعا دەيىنگى كەزەڭدە جالپى قامقورلىعى ءۇشىن شاعىن جانە ورتا بيزنەس وكىلدەرىنەن جۇيەلى نەگىزدە پارا الدى دەگەن كۇدىك بويىنشا تەرگەۋدى اياقتادى، دەپ حابارلايدى اlmaty-akshamy.kz.
تەرگەۋ سوتى كۇدىكتىگە قاتىستى «ەلەكتروندى بىلەزىكتى» قولدانا وتىرىپ، «ءۇيقاماق» تۇرىندەگى بۇلتارتپاۋ شاراسىن سانكسيالادى. قىلمىستىق ءىس ءمانى بويىنشا قاراۋ ءۇشىن استانا قالاسىنىڭ قىلمىستىق ىستەر جونىندەگى اۋدانارالىق سوتىنا جولداندى. قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.