بالقاش كولىنىڭ سۋ دەڭگەيى تاعى 8 سم-گە كوتەرىلدى. ايتا كەتەيىك، ترانسشەكارالىق ىلە وزەنىنەن كولگە سۋ جىبەرۋ ءىس-شارالارى جالعاسىپ جاتىر.
وسىعان دەيىن سۋ دەڭگەيى 15 سم-گە ارتىپ، 1 ساۋىردە 174 سم-گە جەتكەن ەدى. بۇگىنگى تاڭدا بۇل كورسەتكىش 182 سم-گە كوتەرىلدى، دەپ حابارلايدى Almaty-akshamy.kz سۋ جانە يرريگاسيا مينيسترلىگىنە سىلتەمە جاساپ.
وسىلايشا، جىل باسىنان بەرى بالقاشتاعى سۋ دەڭگەيى 23 سم-گە كوتەرىلدى.
«بالقاش كولىندەگى سۋ دەڭگەيىن انىقتاۋ ءۇشىن 4 گيدروبەكەتتە: سارىشاعان، قاراقۇم، بالقاش جانە مىڭارال باقىلاۋ جۇرگىزىلەدى. سونىمەن قاتار، بقو-نىڭ قامىس-سامار كولدەرىنە 80 ملن تەكشە مەتر سۋ باردى، كاسپيي تەڭىزىنە تاعى 200 ملن تەكشە مەتر سۋ جىبەرىلدى، ۇلىتاۋ وبلىسىنان قىزىلوردا وبلىسىنىڭ اۋىلشارۋاشىلىق القاپتارىنا سۋ جىبەرۋ جالعاسىپ جاتىر»، - دەدى سۋ رەسۋرستارى جانە يرريگاسيا مينيسترلىگىنىڭ رەسمي وكىلى ءمولدىر ابدۋالييەۆا.