الدىمەن ينۆەستورلاردى انىقتاپ الۋ كەرەك.
الماتى وبلىسىنىڭ اكىمى قانات بوزىمبايەۆ تالدىقورعاننان بالقاش كولىنە دەيىنگى جولدىڭ قۇرىلىسىنا بيىل قوسىمشا قارجى ءبولۋ قاراستىرىلىپ جاتقانىن ايتتى، دەپ حابارلايدى Almaty-akshamy.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
اكىمنىڭ ايتۋىنشا، تالدىقورعان – وسكەمەن رەسپۋبليكالىق جولىنىڭ الاكولگە دەيىنگى ۋچاسكەسىنىڭ قۇرىلىسى ءتيىستى جۇمىس كەستەسىنە سايكەس اياقتالاتىن بولادى.
«ءبىز ءقازىر «قازاقستان تەمىر جولى» اق باسشىلىعىمەن جاڭا ماۋسىمدا الاكولگە جاقسى ۆاگوندار جۇرگىزۋ تۋرالى سويلەسىپ جاتىرمىز. بىر-ەكى اپتادا بۇعان قاتىستى ەكى جاقتى ءتيىستى قۇجاتقا قول قويامىز. بالقاش كولى جاعالاۋىندا دا تۋريستىك ايماق بولادى. ءتيىستى جەرلەر مەملەكەت مەنشىگىنە قايتارىلىپ الىنعان. تەك الدىمەن وسى دەمالىس ايماعىنا قوناق ءۇي جانە باسقا دا تۋريستىك نىساندار سالعىسى كەلەتىن ينۆەستورلاردى انىقتاپ الۋىمىز كەرەك. سودان سوڭ عانا ينفراقۇرىلىممەن قامتۋ جۇمىستارىن باستايمىز. قۇرىلىس جۇمىستارىنىڭ تەحنيكا-ەكونوميكالىق نەگىزدەمەسى مەن جوبالىق-سمەتالىق قۇجاتتارى دايىن»، - دەدى قانات بوزىمبايەۆ جۋرناليستەر ۇيىندە وتكەن بريفينگ كەزىندە.
سونىمەن قاتار، اكىمنىڭ ايتۋىنشا، الاكول كولىنە جاقسارتىلعان پويىز ۆاگوندارى قاتىنايتىن بولادى. كوپشىلىك ءجيى ايتاتىن «ۆاگونداردا كونديسيونەر جوق، ءىشى ىستىق، سۋى جوق، ۆاگوندار توزىپ كەتكەن» دەيتىن شاعىمداردى ەسكەرىپ، اكىمدىك «قتج» اق-مەن ءتيىستى كەلىسىمدەر جاساسۋدا.