بيىل اكىمدىكتەر مەكتەپكە 500 مىڭنان استام بالانى دايارلاۋعا ءتيىستى قاراجات بولگەن.
ەندى ءاربىر ءبىلىم الۋشىعا قارجىلىق قولداۋدىڭ ەڭ تومەنگى مولشەرى بەلگىلەندى، ول ەڭ تومەنگى كۇنكورىس دەڭگەيىنەن تومەن بولماۋعا ءتيىس، دەپ حابارلايدى aqshamnews.kz
ق ر ءبىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا جالپىعا بىردەي ءبىلىم بەرۋ قورىنداعى بالالارعا كيىم-كەشەك پەن مەكتەپ كەرەك-جاراقتارىن ساتىپ الۋعا قالاي كومەك كورسەتەتىنىن ايتتى.
سپيكەردىڭ ايتۋىنشا، جالپىعا مىندەتتى ءبىلىم قورى جىل سايىن حالىقتىڭ الەۋمەتتىك وسال توپتارىنداعى بالالارعا قولداۋ كورسەتىپ، وقۋعا قاجەت قۇرالدار بەرەدى.
"اتاۋلى الەۋمەتتىك كومەك الاتىن وتباسىلاردان شىققان، جەتىم جانە اتا-اناسىنىڭ قامقورلىعىنسىز قالعان، سونداي-اق جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن وتباسىلاردان شىققان بالالارعا ماتەريالدىق قولداۋ كورسەتىلەدى. جاڭا وقۋ جىلى قارساڭىندا توتەنشە جاعدايعا تاپ بولعان وقۋشىلار قارجىلاي كومەك الادى.
"وقۋ-اعارتۋ مينيسترلىگى اتا-انالاردىڭ كارت-شوتتارىنا اقشا قاراجاتىن اۋدارۋ بولىگىندە كومەك كورسەتۋ تەتىگىن جەتىلدىرۋ جونىندە شارالار قابىلدادى. بۇل اتا-انالار مەن بالالارعا كيىم-كەشەك، مەكتەپ كەرەك-جاراقتارىن جەتكىزۋشىلەردى ءوز بەتىنشە تاڭداۋعا مۇمكىندىك بەرەدى، وسىلايشا ساپاسىز تاۋارلاردى الۋعا جول بەرىلمەيدى"، – دەدى سپيكەر وكق الاڭىندا وتكەن باسپا ءسوز كونفەرەنسياسىندا.
سونداي-اق، جالپىعا مىندەتتى ءبىلىم بەرۋ قورىنىڭ قاراجاتىن بىركەلكى ءبولۋ ماسەلەسى شەشىلدى. ەندى ءاربىر ءبىلىم الۋشىعا قارجىلىق قولداۋدىڭ ەڭ تومەنگى مولشەرى بەلگىلەندى، ول ەڭ تومەنگى كۇنكورىس دەڭگەيىنەن تومەن بولماۋعا ءتيىس. بيىل بۇل كورسەتكىش 43 407 تەڭگەنى قۇرايدى، ياعني ماتەريالدىق كومەكتىڭ مولشەرى وسى سومادان تومەن بولماۋى كەرەك.
"بۇگىنگى تاڭدا اتا-انالاردىڭ شوتتارىنا 3،4 ملرد تەڭگەدەن استام قاراجات اۋدارىلدى، 78 مىڭعا جۋىق بالا قامتىلدى. بۇل پروسەسس جالعاسۋدا. وسىعان بايلانىستى، جاڭا وقۋ جىلى قارساڭىندا مەكتەپ تاۋارلارىنىڭ قولجەتىمدىلىگىن قامتاماسىز ەتۋ ماقساتىندا ءوڭىر اكىمدىكتەرىنەن، "اتامەكەن" ۇكپ-دان مەكتەپ جيناقتارىن، مەكتەپ فورمالارىن جانە ت. ب. ساتۋ بويىنشا جارمەڭكەلەر، سونىڭ ىشىندە كوشپەلى جارمەڭكەلەر ۇيىمداستىرۋدى سۇرايمىز"،-دەدى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا.