بۇگىن الماتىنىڭ «جەتىسۋ» شاعىناۋدانىندا كوپقاباتتى ۇيلەردىڭ ءبىرىنىڭ تەرەزەسىنەن جاس ايەل ءۇش بالاسىمەن بىرگە سەكىرىپ كەتتى.
28 جاستاعى ايەل مەن ونىڭ 2015، 2016 جانە 2019 جىلى تۋعان ءۇش كىشكەنتاي بالاسى 9-قاباتتىڭ تەرەزەسىنەن سەكىرىپ كەتكەن.كورشىلەرىنىڭ سوزىنشە، جاس كەلىنشەك وسى ۇيدە ءبىر بولمەلى پاتەر جالداپ تۇرعان، دەپ حابارلايدى Almaty-akshamy.kz
كۋاگەرلەردىڭ ايتۋىنشا، جاس انا الدىمەن بالالاردى تەرەزەدەن لاقتىرىپ، ارتىنان ءوزى سەكىرىپ كەتكەن.
«ول ۇنەمى بالالارمەن اۋلادا سەرۋەندەپ جۇرەتىن. ونىڭ ەكى قىزى مەن ءبىر ۇلى بولدى. كەنجەسى ءۇش جاستا ەدى. قاراپايىم وتباسى سياقتى كورىنەتىن»، - دەيدى قايعىلى وقيعا بولعان ءۇيدىڭ تۇرعىنى.
ايەل مەن ەكى بالاسى وقيعا ورنىندا كوز جۇمدى. تاعى ءبىر بالا جەدەل جاردەم كولىگىندە قايتىس بولدى.
«بۇگىن تاڭەرتەڭ بولعان وقيعا وتە قورقىنىشتى. الدىمەن اناسى بالالارىن تەرەزەدەن لاقتىرىپ جىبەرىپ، ارتىنشا ءوزى سەكىردى. ءبارى جەردە جاتتى. بالالارعا وبال بولدى. قازا تاپقانداردىڭ وتباسىنا كوڭىل ايتامىز»، - دەدى وقيعا كۋاگەرى.