الماتىدا بالالارعا 46 ملرد تەڭگەگە مەديسينالىق كومەك كورسەتىلدى.
وتكەن جىلى وڭتۇستىك استانا بويىنشا بالالارعا كورسەتىلگەن مەديسينالىق كومەك تۇرلەرىنە قور تاراپىنان 46 ملرد تەڭگە تولەندى. ونىڭ 24،5 ملرد تەڭگەسى ءمامس پاكەتىنە تيەسىلى، دەپ حابارلايدى مسق الماتى قالالىق فيليالى.
حابارلاماعا سۇيەنسەك، الماتى قالاسى بويىنشا ەمحانالارعا 643 مىڭعا جۋىق بالا تىركەلگەن. بىلتىر ولارعا الماتى قالاسى بويىنشا تمككك جانە ءمامس اياسىندا 46 ملرد تەڭگەنىڭ مەديسينالىق كومەگى كورسەتىلدى. شىعىننىڭ نەگىزگى بولىگىن ەمحانالىق-امبۋلاتورلىق كومەك قۇرادى. وعان قور 25،6 ملرد تەڭگە جۇمسادى. وسى كەزەڭدە 60 مىڭعا جۋىق بالا تاۋلىك بويعى ستاسيونارلاردا ەمدەلگەن. وعان 17،1 ملرد تەڭگە، كۇندىزگى ستاسيونارلاردا ەمدەلگەن 3 مىڭ بالانىڭ ەمىنە 304 ملن تەڭگەگە جۋىق قاراجات جۇمسالدى، دەلىنگەن حابارلامادا.
«ءمامس جۇيەسى بالالاردى ەمدەۋگە جانە ولاردىڭ دەن¬ساۋ¬لىعىن ساقتاۋعا جۇمسالاتىن قارجى كولەمىن ارتتىرۋعا مۇمكىندىك بەردى. بالالارعا جوعارى تەحنولوگيالاردىڭ كومەگىمەن جاسالاتىن وپەراسيالار ءۇشىن 10،8 ملرد تەڭگە جۇمسالدى. ونىڭ 9،3 ملرد تەڭگەسى ساقتاندىرۋ قاراجاتى ەسەبىنەن تولەندى. سونىمەن قاتار، قازاقستاندا جوسپارلى ستوماتولوگيالىق كومەك بالالارعا تەگىن كورسەتىلەدى. 2022 جىلى وعان 2،7 ملرد تەڭگەدەن استام قاراجات جۇمسالدى»، - دەيدى فيليال باسشىسى تىلەۋحان ابىلدايەۆ.
سونداي-اق، اۋرۋدىڭ الدىن الۋعا باعىتتالعان پروفيلاكتيكالىق تەكسەرۋلەرگە كوپ كوڭىل ءبولىنىپ وتىر. الماتى قالاسى بويىنشا اتالعان كەزەڭدە بالالاردى پروفيلاكتيكالىق تەكسەرۋگە 1،5 ملرد تەڭگە باعىتتالدى.
ءبىر ايتا كەتەرلىگى، قازاقستاندىق بالالار ءمامس جۇيەسىندە اۆتوماتتى تۇردە ساقتاندىرىلادى. ولار ءۇشىن جارنانى جسن العان ساتتەن باستاپ كامەلەتكە تولعانعا دەيىن مەملەكەت تولەيدى. بۇل بالالارعا تمككك اياسىندا عانا ەمەس، ءمامس پاكەتىنە كىرەتىن مەديسينالىق كومەكتى دە تەگىن پايدالانۋعا مۇمكىندىك بەرەدى، دەلىنگەن حابارلامادا.