What‘s App مەسسەندجەرىندە بالالارعا ارنالعان جۇقپالى اۋرۋلار بولىمشەلەرىندە توسەك-ورىندار دايىن ەكەندىگى تۋرالى اۋديو حابارلاما تاراتىلۋدا، دەپ حابارلايدى almaty-akshamy.kz Stopfake.kz سايتىنا سىلتەمە جاساپ.
اۆتوردىڭ ايتۋىنشا، ولار مەكتەپتەردە ۆاكسينا شاشقاننان كەيىن قاجەت بولادى، بالالار جاپپاي اۋىرىپ، ولە باستايدى. بۇل فەيك. بۇل اقپاراتتى سانيتارلىق-ەپيدەميولوگيالىق باقىلاۋ كوميتەتى جوققا شىعاردى.
– بالالارعا ارنالعان قوسىمشا ينفەكسيالىق توسەك-ورىندار دايىنداۋ تۋرالى اقپارات شىندىققا جاناسپايدى. بۇگىنگى تاڭدا، كەرىسىنشە، كۆي جۇقتىرۋ جاعدايلارىنىڭ تومەندەۋىنە بايلانىستى جۇقپالى اۋرۋلار ستاسيونارلارى جابىلۋدا. سونداي-اق، بولمەدە بۇركۋ ارقىلى قولدانىلاتىن ۆاكسينا جوق، – دەدى ۆەدومستۆونىڭ رەسمي وكىلى ەرجان بايتانايەۆ.
بۇل اتا-انالار اراسىندا دۇربەلەڭ تۋعىزعان دىبىستىق حابارلامالار بۇعان دەيىن دە تاراعان بولاتىن.
– ءبىز تاراز جانە شىمكەنت قالالارىندا بالالاردى بەلگىسىز باعىتتا ەۆاكۋاسيالاپ، اۋىزىنا تامىزۋ ارقىلى ەگەتىنى تۋرالى فەيكتى جوققا شىعاردىق، - دەلىنگەن حابارلامادا.