پايدالانۋ شەگى - 60 مينۋت.
TikTok بالالار مەن جاسوسپىرىمدەرگە ارنالعان سەرۆيستى پايدالانۋ ۋاقىتىن شەكتەۋ تۋرالى شەشىم قابىلدادى، دەپ حابارلايدى Almaty-akshamy.kz
جاڭا مۇمكىندىكتەردىڭ ەنگىزىلگەنى تۋرالى ۆيدەوحوستينگتىڭ سايتىندا حابارلاندى.
"الداعى اپتالاردا 18 جاسقا تولماعان پايدالانۋشىعا تيەسىلى ءاربىر اككاۋنتتا اۆتوماتتى تۇردە كۇنىنە 60 مينۋت شەكتەۋ ورناتىلادى"، - دەلىنگەن حابارلامادا.
بۇل شەكتەۋگە جەتكەندە، جاسوسپىرىمدەرگە شولۋدى جالعاستىرۋ ءۇشىن رۇقسات كودىن ەنگىزۋ سۇرالادى. ستاندارتتى 60 مينۋتقا قاناعاتتانبايتىن جاسوسپىرىمدەر ءۇشىن الەۋمەتتىك جەلى كۇندەلىكتى ەكران ۋاقىتىن كۇنىنە 100 مينۋتقا دەيىن ورناتۋدى ۇسىنادى.
13 جاسقا تولماعان بالالار اتا-اناسىنىڭ نەمەسە قامقورشىسىنىڭ رۇقساتىمەن عانا الەۋمەتتىك جەلىنى 60 مينۋتتان استام قاراي الادى. سوڭعىسى 30 مينۋت قوسىمشا ۋاقىتقا رۇقسات الۋى ءۇشىن ارنايى كودتى ورناتۋى نەمەسە ەنگىزۋى كەرەك.
TikTok ساراپشىلارمەن كەڭەسكەننەن كەيىن شەكتى 60 مينۋتقا ورناتقانىن ايتتى.
بۇعان دەيىن الەۋمەتتىك جەلىلەردىڭ، سونىڭ ىشىندە TikTok سەرۆيسىنىڭ جەتەكشىلەرى اقش كونگرەسىنە شاقىرىلىپ، قىزمەتكەرلەر جاس قولدانۋشىلارعا كەرى اسەرىن بولدىرماۋ ءۇشىن نە ىستەپ جاتقانى تۋرالى ەسەپ بەرۋدى تالاپ ەتكەن.