ءبىر اپتا ىشىندە ەل وڭىرلەرىندە 8 بالا تەرەزەدەن قۇلاپ كەتكەن.
توتەنشە جاعدايلار مينيسترلىگىنىڭ مالىمەتىنشە، بالالاردىڭ بيىكتىكتەن قۇلاۋ جاعدايلارى اتا-انانىڭ قاداعالاماۋىنان بولادى.
«ستاتيستيكا كورسەتكەندەي، جىل سايىن كۇن جىلىنا باستاعاننان كەيىن بالالاردىڭ تەرەزەدەن قۇلاۋى سياقتى جازاتايىم وقيعالاردىڭ ارتۋى بايقالادى. بۇل جاعدايدا ەڭ ۇلكەن ءقاۋىپ – تەرەزەلەرگە ورناتىلعان موسكيت تورلارى.
وتكەن اپتادا عانا ەلىمىزدە 8 جاعداي بولدى، ونىڭ ىشىندە استانا قالاسىندا ءۇش جاسار ءسابي 17-قاباتتان قۇلاپ، قازا بولدى.
تەرەزەدەن قۇلاعان كەزدە بالالار ۇزاق مەرزىمدى ەمدەۋ مەن قالپىنا كەلتىرۋدى قاجەت ەتەتىن اۋىر جاراقات الاتىنىن اتاپ وتكىمىز كەلەدى. ال كەيبىر جاعدايلاردا بالا مۇگەدەك بولىپ قالادى، كوبىنەسە وقيعا ورنىندا نەمەسە اۋرۋحاناعا بارار جولدا كوز جۇمادى»، - دەپ ەسكەرتتى مينيسترلىكتەن.
جازاتايىم وقيعالاردىڭ الدىن الۋ جولدارى:
- بالا تەرەزەنى ءوز بەتىنشە اشۋىنا مۇمكىندىك بەرمەيتىندەي بۇعاتتاۋىشتار ورناتۋ؛
- تەرەزەنىڭ جانىنا جيھاز قويماڭىز؛
- تەرەزەدە ءتيىستى قورعاۋ قۇرالدارى ورناتىلماسا، موسكيت تورلارىن قويماڭىز (بالا موسكيت تورىنا سۇيەنىپ، قۇلاپ كەتەدى، ول بالانىڭ سالماعىنا ەسەپتەلمەگەن)؛
- بالانى ەرەسەكتەردىڭ قاراۋىنسىز، تەرەزەلەرى اشىق جەردە، سونداي-اق ولاردى وزدەرى اشا الاتىن جەردە قالدىرماڭىز؛
- بالالارعا اشىق تەرەزەنىڭ ءقاۋىپتى ەكەنىن ءتۇسىندىرىڭىز، موسكيت تورعا سۇيەنۋگە بولمايتىنىن ەسكەرتىڭىز؛
- بالالار تەرەزەنىڭ جانىندا تۇرىپ، وعان كوتەرىلۋگە تىرىسقاندا، ءقاۋىپ تۋرالى ۇنەمى ەسكە سالۋ كەرەك.
وسى قاراپايىم ەرەجەلەردى ساقتاي وتىرىپ، بالانىڭ ءومىرىن ساقتاۋعا بولادى.