ەكى اپتانىڭ ىشىندە قىزىلوردا مەن تۇركىستان وبلىستارىندا بالالاردىڭ كارىز قۇدىعىنا قۇلاپ، كوز جۇمۋ دەرەگى تىركەلدى.
وسى قايعىلى وقيعالارعا قاتىستى بالالار ومبۋدسمەنى دينارا زاكييەۆا الەۋمەتتىك جەلىدە پىكىر ءبىلدىردى، دەپ حابارلايدى Almaty-akshamy.kz.
«ەكى جاعدايدا دا كارىز قۇدىقتارى اكىمدىكتەرگە تيەسىلى. ينفراقۇرىلىمنىڭ قاۋىپسىزدىگىن قامتاماسىز ەتپەي، بالالاردىڭ ولىمىنە اكەپ سوققان سالعىرتتىققا جول بەرگەن قىزمەتكەرلەردى جاۋاپكەرشىلىككە تارتۋ ماقساتىندا تەرگەۋ جۇرگىزۋ قاجەت دەپ سانايمىن. سونداي-اق بۇل سالاعا جاۋاپتى جەرگىلىكتى اتقارۋشى ورگانداردىڭ باسشىلارى مەن اۋدان اكىمدەرىن دە جاۋاپقا تارتۋ كەرەك دەپ ويلايمىن»، - دەدى دينارا زاكييەۆا ءوزىنىڭ جازباسىندا.