قازاقستان رەسپۋبليكاسى وقۋ-اعارتۋ مينيسترلىگىنىڭ باسپا ءسوز قىزمەتىنىڭ مالىمدەۋىنشە، ەلىمىزدەگى بالالاردىڭ ءال-اۋقات يندەكسىنىڭ تۇراقتى ءوسىمى تىركەلدى، دەپ حابارلايدى aqshamnews.kz
رەسپۋبليكالىق ورتاشا ءمان 2،5 پۋنكتكە ءوسىپ، 2023 جىلعى 56،1 بالمەن سالىستىرعاندا 58،6 بالدى قۇرادى.
سەگىز ءوڭىر ورتاشا كورسەتكىشتەن اسىپ ءتۇستى – 59،4-تەن 64،6 بالعا دەيىن. كوشباسشى – اقتوبە وبلىسى، ناتيجەسى 64،6 بالل، بۇل وتكەن جىلمەن سالىستىرعاندا 5،6 پۋنكتكە جوعارى. جوعارى دەڭگەيىن پاۆلودار وبلىسى دا ساقتاپ وتىر – 63،3 بالل. ايتارلىقتاي ءوسىم الماتى قالاسىندا (+6،9) جانە قوستاناي وبلىسىندا (+6،4) بايقالدى.
"مەملەكەت باسشىسىنىڭ تاپسىرماسى بويىنشا 2022 جىلدان باستاپ قازاقستاندا بالالار ءال-اۋقاتى يندەكسى ەنگىزىلدى. ول وڭىرلەر اراسىنداعى جانە حالىقارالىق كورسەتكىشتەرمەن سالىستىرۋعا مۇمكىندىك بەرەدى، سونداي-اق مەملەكەتتىڭ جانە قوعامنىڭ نازارىن بالالىق شاق ماسەلەلەرىنە اۋدارادى"، – دەدى ق ر وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
يندەكس ءتورت باعىت بويىنشا 56 ينديكاتوردى قامتيدى:
"بالا"؛
"وتباسى جانە قوعام"؛
"مەملەكەتتىك ساياسات"؛
"ەلدىڭ ءال-اۋقاتى".
"ول 35 ستاتيستيكالىق جانە 21 ساۋالنامالىق كورسەتكىش نەگىزىندە قالىپتاسادى، ولار بالانىڭ دەنساۋلىعى مەن دامۋىن، وتباسىلىق جانە الەۋمەتتىك ورتانى، سونداي-اق ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، ەكولوگيا جانە ينفراقۇرىلىم سالالارىنداعى مەملەكەتتىك ساياساتتىڭ تيىمدىلىگىن قامتيدى"، – دەلىنگەن حابارلامادا.