الماتىداعى "164 بوبەكجاي-بالاباقشادا" بالالاردىڭ دۇرىس تاماقتانبايتىنى تۋرالى بۇرىن حابارلاعانبىز.
الەۋمەتتىك جەلىدە تاراعان بەينەجازبا نەگىزىندە الماتى قالاسى ءبىلىم باسقارماسى قۇرعان ارنايى كوميسسيا 164 بوبەكجاي-بالاباقشاسىنا تەكسەرۋ جۇرگىزىپ، بىرنەشە ماماندى جۇمىستان شىعاردى، دەپ حابارلايدى Almaty-akshamy.kz قالالىق ءبىلىم باسقارماسىنىڭ باسپا ءسوز قىزمەتىنە سىلتەمە جاساپ.
"مونيتورينگ بارىسىندا انىقتالعان زاڭبۇزۋشىلىقتار بويىنشا، سونداي-اق قىزمەتتىك مىندەتتەرىنە جوسىقسىز قاراعانى ءۇشىن بالاباقشا مەڭگەرۋشىسى، مەدبيكە جانە ادىسكەرى قىزمەتىنەن بوساتىلدى. سونىمەن قاتار، توپ تاربيەشىسى، قويماشى جانە اسپازشىعا تارتىپتىك جازا قولدانىلدى"، - دەپ مالىمدەدى قالالىق ءبىلىم باسقارماسىنىڭ باسپا ءسوز قىزمەتى.
قالاداعى مەكتەپكە دەيىنگى ۇيىمداردىڭ جۇمىسىنا باقىلاۋدى السىرەتكەنى ءۇشىن الاتاۋ اۋداندىق ءبىلىم ءبولىمىنىڭ باس مامانى مەن الماتى قالاسى ءبىلىم باسقارماسىنىڭ مەكتەپكە دەيىنگى تاربيە مەن وقىتۋ ءبولىمىنىڭ باسشىسىنا تارتىپتىك جازا قولدانىلدى.