ق ر توتەنشە جاعدايلار ءمينيسترى بالالاردى قۇتقارۋ كەزىندە قازا تاپقان الماتى وبلىسىنىڭ تۇرعىنىنىڭ وتباسىن ماراپاتتادى، دەپ حابارلايدى Almaty-akshamy.kz.
ق ر توتەنشە جاعدايلار ءمينيسترى راۋان ءبىرقۇرمانوۆانىڭ وتباسىمەن كەزدەسىپ، قايتىس بولعاننان كەيىن «سۋعا باتقانداردى قۇتقارعانى ءۇشىن» مەدالىن تابىساتىدى.
ەسكە سالايىق، وقيعا 2015 جىلعى 7 شىلدەدە بولعان. الماتى وبلىسىنىڭ تۇرعىنى راۋان ءبىرقۇرمانوۆ وتباسىمەن قاراساي اۋدانى يسايەۆو اۋىلىنىڭ جانىنداعى توعانعا بارعان. وسى ۋاقىتتا 10-12 جاستاعى بالالار اتا-انالارىنىڭ قاراۋىنسىز سۋعا شومىلىپ جۇرەدى. كەنەتتەن ول بالالاردىڭ سۋعا باتا باستاعانىن بايقاپ قالادى. ويلانباستان سۋعا سەكىرگەن ازامات ۇل مەن قىزدى شىعارىپ الادى. مۇنان سوڭ تاعى ەكى بالانى قۇتقارۋعا تىرىسقان. الايدا، ولارعا قاراي سۇڭگىپ كەتكەن ول ءوزى قايتىپ ورالعان جوق.