سوتتى بولىپ، بوستاندىعىنان ايىرىلىپ، جازاسىن وتەپ جاتقان جاسوسپىرىمدەر دە ورتا ءبىلىم الۋعا قۇقىلى. ولار ءۇشىن دە العاشقى قوڭىراۋ سوعىلدى.
الماتى قالاسى قاج دەپارتامەنتىنىڭ №11 مەكەمەسىندەگى №3 جالپى ءبىلىم بەرەتىن مەكتەپتە «مەكتەبىم — مەيىرىم مەكەنى» اتتى سالتتانتى جيىن ءوتتى. مەكەمەدەگى سوتتالعاندار اراسىندا الەۋمەتتىك-پسيحولوگيالىق تاربيە جۇمىسى ءبولىمىنىڭ باستىعى ادىلەت پودپولكوۆنيگى الما قويشىباي قىزى ۇستازدار مەن وقۋشىلاردى ءبىلىم كۇنىمەن قۇتتىقتادى. مەكتەپ مۇعالىمدەرىنىڭ قاجىرلى ەڭبەگىنە العىس ايتا وتىرىپ، ساتتىلىك، تولاعاي تابىستار تىلەدى.
2024-2025 وقۋ جىلىنىڭ 1 كىركۇيەگىندە مەملەكەتتىك ءتىل مەن ورىس تىلىندە وقىتاتىن جەتى سىنىپ جابدىقتالدى: مەملەكەتتىك تىلدە وقيتىن - 31، ال ورىس تىلىندە وقيتىن 18 وقۋشى بار.
— بۇل مەكتەپ الماتى قالاسى ءبىلىم باسقارماسىمەن بەكىتىلگەن وقۋ جوسپارىمەن جۇمىس ىستەيدى. وقۋلىقتارمەن تولىق قامتىلعان. ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاسالۋعا ءتيىس، وسكەلەڭ ۇرپاقتىڭ بولاشاعىنا ۇلكەن ءمان بەرۋ كەرەك، — دەيدى وقۋ تاربيە ءىسىنىڭ مەڭگەرۋشىسى ايزادا الييەۆا.
