الماتى قالاسىنىڭ قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدە تاربيە ءبولىمى قىزمەتكەرلەرىنىڭ ۇيىمداستىرۋمەن ادام قۇقىعى كۇنى اتالىپ ءوتتى.
اتالعان ءىس-شاراعا جەتىسۋ اۋدانى پروكۋراتۋراسىنىڭ اعا پروكۋرورى نۇراسىل ورازعالي جانە الماتى قالاسى ادىلەت دەپارتامەنتى اكىمشىلىك ءبولىمىنىڭ باس مامانى ەركىن بورداحانوۆ قاتىستى.
كەزدەسۋدىڭ ماقساتى – جاستارعا قۇقىقتىق جاۋاپكەرشىلىكتىڭ ماڭىزدىلىعىن ناسيحاتتاۋ. سونداي-اق، قۇقىقتىق تاربيە تۋرالى، كامەلەتكە تولماعاندار اراسىندا زاڭ قاعيداتتارىن تۇسىندىرە وتىرىپ، ولاردىڭ ءبىلىمىن جەتىلدىرۋ، جاسوسپىرىمدەردىڭ جاماندىققا ۇرىنىپ قالماي، ءوز قۇقىعىن قورعاي الاتىنىن جانە ءقاۋىپسىز ورتانى وزدەرى دە قالىپتاستىرا الاتىنىن ءتۇسىندىرۋ.
«بۇل كۇن – حالىقارالىق ادام قۇقىعىنىڭ تۇڭعىش دۇنيەجۇزىلىك اكتىسى. قۇجاتتا العاش رەت ءاربىر ادامعا قاتىستى نەگىزگى قۇقىقتار مەن بوستاندىقتار 30 باپ تۇرىندە جۇيەلەنىپ كورسەتىلدى. دەكلاراسيادا ۇلتىنا، تۇراتىن جەرىنە، جىنىسىنا، ەتنيكالىق شىعۋ تەگىنە، تىلىنە، دىنىنە نەمەسە وزگە دە جاعدايىنا قاتىستى قانداي دا ءبىر ايىرماشىلىقسىز بارىمىزدە بار نەگىزگى قۇقىقتار مەن بوستاندىقتاردىڭ كەڭ تىزبەسى بەكىتىلگەنىن. دەمەك، ءبىز قانداي جاعدايدا دا ەڭ قۇقىلىمىز، قورعالۋعا ءتيىسپىز جانە زاڭ مەن ءتارتىپ الىندا دا جاۋاپكەرشىلىكتى تەڭ ارقالايمىز»، – دەدى ادىلەت دەپارتامەنتى اكىمشىلىك ءبولىمىنىڭ باس مامانى ەركىن بورداحانوۆ.